କେଉଁଝର : ଅଙ୍ଗନବାଡ଼ିରେ ପଶିଲା ଦନ୍ତା । ଅଙ୍ଗନବାଡ଼ି ଗୃହର ଗ୍ରୀଲ ଭାଙ୍ଗି ଛତୁଆ ଖାଇଦେଲା ଗୋଠଛଡ଼ା ଦନ୍ତା । କେଉଁଝର ସଦର ବ୍ଲକ ମହାଦେଇଯୋଡ଼ା ଅଞ୍ଚଳରେ ଆତଙ୍କ ଖେଳାଇଛି ଏକ ଗୋଠ ଛଡ଼ା ଦନ୍ତା । ଖାଦ୍ୟ ଅନ୍ୱେଷଣରେ ସତେକି ଯେମିତି, ସ୍କୁଲ ଏଵଂ ଅଙ୍ଗନବାଡ଼ିକୁ ଟାର୍ଟେଟ କରିଛି ଦନ୍ତା ।ଗତକାଲି ଜଣେ ବ୍ୟକ୍ତିଙ୍କ ଘର ଭାଙ୍ଗି ୩ଜଣଙ୍କୁ ଗୁରୁତର କରିଥିଲା ଦନ୍ତା । ସକାଳୁ କୁଡ଼ିଆଘରା ଗାଁର ସ୍କୁଲ୍ ଗ୍ରିଲ୍ ଭଙ୍ଗିବାସହ ଅଙ୍ଗନବାଡ଼ି କବାଟ ଭାଙ୍ଗି ୨ ପ୍ୟାକେଟ ଛତୁଆ ଖାଇଦେଇଛି। ଏହି ଅଞ୍ଚଳରେ ୨୯ଟିକିଆ ହାତୀପଲ ଘୁରି ବୁଲୁଛନ୍ତି । ଅନ୍ୟ ସବୁ ହାତୀ ମାନେ ବିଲ ଖମାର ଭିତରେ ବୁଲୁଥିବା ବେଳେ ଏହି ହାତୀଟି ଖାଦ୍ୟ ପାଇଁ ଗାଁ, ସାହି , ସ୍କୁଲ, ଅଙ୍ଗନବାଡି ଆଦି ସ୍ଥାନରେ ଡେରା ପକାଉଛି ।
