ଭୁବନେଶ୍ୱର : ଆଜି ହେଉଛି ଆଲୋକର ପର୍ବ ଦୀପାବଳି । ଜରୁରୀ କାମରେ ଘରୁ ବାହାରୁ ଥିଲେ ଏହି ଖବର ଜାଣି ରଖନ୍ତୁ । ଆଜି ଅପରାହ୍ଣ 3ଟାରୁ ଚାଲିବନି ଆମ ବସ । ଦୀପାବଳିକୁ ଦୃଷ୍ଟିରେ ରଖି 3ଟା ଯାଏଁ ଗଡ଼ିବାକୁ ନିଷ୍ପତ୍ତି ନେଇଛନ୍ତି ସରକାର । ଆମ ବସ ସମ୍ପର୍କରେ କ୍ରୁଟ ପକ୍ଷରୁ ଦିଆଗଲା ସୂଚନା । ଭୁବନେଶ୍ୱର ସମେତ ଯେଉଁ ଅଞ୍ଚଳରେ ଆମ ବସ ଚାଲୁଛି, ଆଜି ଅପରାହ୍ନରୁ ବସ ଚଳାଚଳ ବନ୍ଦ ରହିବ । ଆଜି ଦୀପାବଳି ଥିବାରୁ ବସ ସେବା ବନ୍ଦ ରହିବ ବୋଲି ସୂଚନା ଦିଆଯାଇଛି।
ଏହା ସହ ଯାତ୍ରୀମାନେ ଯେପରି ଅସୁବିଧାର ସମ୍ମୁଖୀନ ନହେବେ, ସେଥିଲାଗି CRUT ପକ୍ଷରୁ ହେଲ୍ପ ଲାଇନ ମଧ୍ୟ ଜାରି କରାଯାଇଛି । ଏହାସହ ୨୧ ତାରିଖରେ ପୂର୍ବ ଭଳି ବସ ସେବା ଜାରି ରହିବ ।
