ଭୁବନେଶ୍ବର : ଆଜି ବିଜେଡିର୨୯ ତମ ପ୍ରତିଷ୍ଠା ଦିବସ । ଶଙ୍ଖ ଭବନରେ ପ୍ରତିଷ୍ଠା ଦିବସରେ ବିଜେଡି ସଭାପତି ନବୀନ ପଟ୍ଟନାୟକ ଯୋଗ ଦେବେ । ଏହି ଅବସରରେ ନବୀନ ଦଳୀୟ ନେତା ଓ କର୍ମୀଙ୍କୁ କି ବାର୍ତ୍ତା ଦେବେ । ତୃଣମୂଳ ସ୍ତରରେ ପାର୍ଟିକୁ ମଜଭୁତ କରିବା ପାଇଁ ଆହ୍ଵାନ ଦେଇପାରନ୍ତି।ସେହିଭଳି ରାଜ୍ଯ ସରକାରଙ୍କ ବିଫଳତା ନେଇ ଲୋକଙ୍କ ପାଖରେ ପହଞ୍ଚାଇବାକୁ ପରାମର୍ଶ ଦେଇପାରନ୍ତି । ତୃଣମୂଳ ସ୍ତରରେ ସ୍ଥାନୀୟ ଯୁବ ନେତୃତ୍ୱକୁ ଗୁରୁତ୍ୱ ଦେବାକୁ କହି ପାରନ୍ତି ନବୀନ । ଦଳୀୟ ଶୃଙ୍ଖଳା ଉପରେ ଗୁରୁତ୍ଵ ଦେବା ସହ ପାର୍ଟିକୁ ସଶକ୍ତ କରିବା ଉପରେ ପରାମର୍ଶ ଦେଇପାରନ୍ତି ସୁପ୍ରିମୋ । ନିକଟରେ ନୂଆପଡ଼ା ବିଧାନସଭା ଉପ ନିର୍ବାଚନ ଫଳାଫଳ ଦଳୀୟ ନେତା ଓ କର୍ମୀଙ୍କୁ ନିରାଶ କରିଛି ।
ସେମାନଙ୍କ ମନୋବଳ ବଢାଇବା ପାଇଁ ଗୁରୁ ମନ୍ତ୍ର ଦେଇପାରନ୍ତି ନବୀନ । ଆଗାମୀ ପଞ୍ଚାୟତିରାଜ ନିର୍ବାଚନ ପାଇଁ ଏବେଠାରୁ ପ୍ରସ୍ତୁତି ଆରମ୍ଭ କରିବାକୁ ଦଳୀୟ ନେତା ଓ କର୍ମୀଙ୍କୁ କହିପାରନ୍ତି । ଏହା ସହ ବଢୁଥିବା ମହିଳା ହିଂସା, ନାରୀ ନିର୍ଯାତନା ଓ ଧାନ ମଣ୍ଡିରେ ଅବ୍ୟବସ୍ଥା ଆଦି ପ୍ରସଙ୍ଗ ଉଠାଇ ରାଜ୍ଯ ସରକାରଙ୍କୁ ନିଶାନା କରି ପାରନ୍ତି ନବୀନ ।
