ଭୁବନେଶ୍ୱର : କମିଶନରେଟ ପୋଲିସର ବଡ଼ ଆକ୍ସନ। ରାତି ଅଧରେ ଆରମ୍ଭ ହୋଇଛି ସ୍ପେଶାଲ ଅପରେସନ୍ । ରାଜଧାନୀରେ ଗୋଟିଏ ପରେ ଗୋଟିଏ ୪ଟି ହତ୍ୟାକାଣ୍ଡ ପରେ ଅପରାଧ ରୋକିବାକୁ କମିଶନରେଟ୍ ପୋଲିସର ବଡ଼ ଆକ୍ସନ । ଫୁଟ୍ ପାଟ୍ରୋଲିଂ ସହ ପିସିଆର୍ ପାଟ୍ରୋଲିଂକୁ ମଧ୍ୟ ଜୋରଦାର କରାଯାଇଛି ।
ବିଭିନ୍ନ ବସ୍ତି ସହ ସହରର ସମ୍ବେଦନଶୀଳ ଅଞ୍ଚଳରେ ପଇଁତରା ମାରୁଛନ୍ତି ପୋଲିସର ଦକ୍ଷ ଅଧିକାରୀ । ଗୋଷ୍ଠୀବଦ୍ଧ ହୋଇ ଅପରାଧ ଘଟାଇବା ପାଇଁ ଯୋଜନା ହେଉଥିବା ସନ୍ଦିଗ୍ଧ ସ୍ଥାନ ଉପରେ ରଖାଯାଇଛି କଡ଼ା ନଜର । ଅପରାଧୀଙ୍କ ଗତିବିଧି ଉପରେ ନଜର ରଖିବା ସହ ଅପରାଧ ନିୟନ୍ତ୍ରଣ ପାଇଁ କମିଶନରେଟ ପୋଲିସର ଏହି ବଡ଼ ଅଭିଯାନ ।
