କୋଷ୍ଠକାଠିନ୍ୟ କାରଣରୁ ଲୋକମାନେ ଅନେକ ପ୍ରକାରର ସମସ୍ୟାର ସମ୍ମୁଖୀନ ହୁଅନ୍ତି । ଅନେକ ଲୋକ ଏହି ସମସ୍ୟାରେ ଦୀର୍ଘ ସମୟ ଧରି ବହୁ ଅସୁବିଧା ଭୋଗ କରନ୍ତି । ସେମାନେ ବୁଝିପାରନ୍ତି ନାହିଁ ଯେ ଏହି ପରିସ୍ଥିତିରେ କ’ଣ କରିବେ ଏବଂ ଏହି ସମସ୍ୟାରୁ କିପରି ମୁକ୍ତି ପାଇବେ । ଏହି ରୋଗରେ ଦୀର୍ଘ ସମୟ ଧରି ପୀଡିତ ହେବା ଦ୍ଵାରା ପାଚନ କ୍ରିୟାରେ ସମସ୍ୟା ଦେଖାଦେଇଥାଏ ।କୋଷ୍ଠକାଠିନ୍ୟ ଯୋଗୁଁ, କେତେକ ସମୟରେ କିଡନୀରେ ମଧ୍ୟ ଯନ୍ତ୍ରଣା ହୁଏ । ଆଜିକାଲି ଏହି ସମସ୍ୟା ବୟସ୍କଙ୍କ ଠାରୁ ପିଲା ପର୍ଯ୍ୟନ୍ତ ସମସ୍ତ ଲୋକଙ୍କଠାରେ ଦେଖାଯାଉଛି । କୋଷ୍ଠକାଠିନ୍ୟ ଯୋଗୁଁ, ପେଟ ସମ୍ବନ୍ଧୀୟ ଅନେକ ସମସ୍ୟା ସୃଷ୍ଟି ହୁଏ, ଯାହା ଦୂର କରିବା କଷ୍ଟକର ହୋଇଯାଏ । ଆସନ୍ତୁ ଜାଣିବା ସ୍ୱାସ୍ଥ୍ୟ ବିଶେଷଜ୍ଞମାନେ ଏ ବିଷୟରେ କ’ଣ କହୁଛନ୍ତି?
ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଆଜିର ସମୟରେ କୋଷ୍ଠକାଠିନ୍ୟ କେବଳ ବୟସ୍କ ଲୋକଙ୍କଠାରେ ନୁହେଁ ବରଂ ପିଲାମାନଙ୍କଠାରେ ମଧ୍ୟ ଦେଖାଯାଉଛି । ଅନେକ ସମୟରେ କୋଷ୍ଠକାଠିନ୍ୟରେ ପୀଡିତ ରୋଗୀଙ୍କୁ ବାରମ୍ବାର ବାଥରୁମ୍ ଯିବାକୁ ପଡ଼ିଥାଏ ଯାହା ଫଳରେ ସେମାନେ ଡାଇରିଆ ଏବଂ କୋଷ୍ଠକାଠିନ୍ୟ ମଧ୍ୟରେ ଦ୍ୱନ୍ଦ୍ୱରେ ପଡ଼ିଯାଆନ୍ତି, ସେମାନଙ୍କର ଡାଇରିଆ ହୋଇଛି ନା କୋଷ୍ଠକାଠିନ୍ୟ । କେତେବେଳେ, କିଛି ଲୋକଙ୍କର ମଳ ବହୁତ ଟାଇଟ୍ ହୋଇଯାଏ ତ ଆଉ କେତେବେଳେ ରକ୍ତସ୍ରାବ ମଧ୍ୟ ଆରମ୍ଭ ହୁଏ ଏବଂ ଏହି କାରଣରୁ ପାଇଲ୍ସର ଆଶଙ୍କା ମଧ୍ୟ ବଢ଼ିଯାଏ ।
କୋଷ୍ଠକାଠିନ୍ୟର କାରଣ-
୧. ମଧୁମେହ
୨. ହାଇପୋଥାଇରଏଡିଜ୍ମ
୩. ଗର୍ଭାବସ୍ଥା
୪. କୋଲୋରେକ୍ଟାଲ୍ କର୍କଟ
୫. ଅନ୍ତନଳୀରେ ବାଧା ଉପୁଯିବି
କୋଷ୍ଠକାଠିନ୍ୟ ନିବାରଣ କିପରି କରିବା –
୧. ପ୍ରତିଦିନ ଆପଣଙ୍କ ଖାଦ୍ୟରେ ୨୦ ରୁ ୩୫ ଗ୍ରାମ ଫାଇବର ଯୁକ୍ତ ଖଦ୍ୟ ନିଅନ୍ତୁ ।
୨. ପନିପରିବା, ତାଜା ଫଳ, ଡାଲି ଜାତୀୟ ଖାଦ୍ୟ, ଓଟମିଲ୍ ଏବଂ ଦଲିଆ ଶସ୍ୟ ଖାଆନ୍ତୁ।
୩. ଦିନକୁ ୭ ରୁ ୮ ଗ୍ଲାସ ପାଣି ପିଅନ୍ତୁ।
୪. ପ୍ରତିଦିନ ବ୍ୟାୟାମ କରନ୍ତୁ।
୫. ଚାପରୁ ଦୂରରେ ରୁହନ୍ତୁ ଏବଂ ପର୍ଯ୍ୟାପ୍ତ ନିଦ ନିଅନ୍ତୁ।
୬. ପ୍ରୋବାୟୋଟିକ୍ସ ଯୁକ୍ତ ଖାଦ୍ୟ ଯଥା ଦହି ଖାଆନ୍ତୁ।
୭. ମଦ୍ୟପାନ ଏବଂ କ୍ୟାଫିନ୍ ସେବନ କରିବାରୁ ଦୂରେଇ ରୁହନ୍ତୁ।
