ଗାଧୋଇବାକୁ ଯାଇ ନଦୀରେ ବୁଡ଼ି ୨ ନାବାଳିକାଙ୍କ ମୃତ୍ୟୁ

କୋରାପୁଟ : ବୈପାରିଗୁଡ଼ା ବ୍ଲକ ବାଲିଗାଁ ପଞ୍ଚାୟତ ଡାବୁଗୁଡ଼ାରେ ଅଘଟଣ। ଗାଧୋଇବାକୁ ଯାଇ ନଦୀରେ ବୁଡ଼ି ୨ ନାବାଳିକାଙ୍କ ମୃତ୍ୟୁ ହୋଇଛି। ସ୍କୁଲରୁ ଫେରି ଗାଁ ପାଖ ନଦୀକୁ ୨ ଛାତ୍ରୀ ଗାଧୋଇବାକୁ ଯାଇଥିଲେ। ଅସାବଧାନତା ଯୋଗୁଁଁ ଉଭୟ ନଦୀରେ ବୁଡ଼ି ଯାଇଥିଲେ। ସ୍ଥାନୀୟ ଲୋକଙ୍କଠାରୁ ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଭୟଙ୍କ ମୃତଦେହ ଉଦ୍ଧାର କରିଥିଲେ। ମୃତକ ୨ ଛାତ୍ରୀଙ୍କ ନାମ ଅମ୍ରିତ ପାଲିଗୁଡ଼ିଆ ଏବଂ ପ୍ରମିଳା ଦୋରାପୁଟିଆ ବୋଲି ଜଣାପଡ଼ିଛି।