କ୍ଷୀର ସ୍ୱାସ୍ଥ୍ୟ ପାଇଁ ବହୁତ ଲାଭଦାୟକ ହୋଇଥାଏ । କିନ୍ତୁ କିଛି ଲୋକ ଏପରି ଅଛନ୍ତି ଯେଉଁମାନଙ୍କୁ କ୍ଷୀର ପ୍ରତି ଆଲର୍ଜି ଥାଏ । ଏପରି ଲୋକଙ୍କୁ ଲାକ୍ଟୋଜ୍ ଇନଟଲରାଣ୍ଟ କୁହାଯାଏ । କ୍ଷୀର ସେମାନଙ୍କୁ ସୁହାଏ ନାହିଁ । ଏପରି ଲୋକମାନେ ବାଦାମ କ୍ଷୀର, ନଡ଼ିଆ କ୍ଷୀର କିମ୍ବା କାଜୁ କ୍ଷୀର ପରି ଅନ୍ୟ କ୍ଷୀର ପିଇପାରିବେ । କାଜୁ କ୍ଷୀର ପୁଷ୍ଟିକର ଗୁଣରେ ଭରପୁର । କାଜୁରେ ମ୍ୟାଗ୍ନେସିୟମ୍, କପର୍, ଜିଙ୍କ୍, ପ୍ରୋଟିନ୍, ଡାଏଟ୍ରି ଫାଇବର ଭଳି ପୁଷ୍ଟିକର ତତ୍ତ୍ୱ ମିଳିଥାଏ ।ସ୍ୱାଦ ପାଇଁ କାଜୁକୁ ତରକାରୀରେ ମଧ୍ୟ ବ୍ୟବହାର କରାଯାଏ । କାଜୁ ଖାଇବା ଦ୍ୱାରା ହୃଦୟ, ହାଡ଼ ଏବଂ ମସ୍ତିଷ୍କ ମଜବୁତ ହୁଏ । ତେଣୁ, ଆପଣ ନିଶ୍ଚିତ ଭାବରେ ଆପଣଙ୍କ ଖାଦ୍ୟରେ କାଜୁ ସାମିଲ କରିବା ଉଚିତ । ଆପଣ ଅତି ସହଜରେ ନିଜ ଘରେ କାଜୁରୁ ଏହି କ୍ଷୀର ତିଆରି କରିପାରିବେ । ଭିଜା କିମ୍ବା ରୋଷ୍ଟେଡ୍ କାଜୁରୁ ଏହି କ୍ଷୀର ପ୍ରସ୍ତୁତ କରାଯାଇପାରିବ । ତେବେ ଆସନ୍ତୁ କାଜୁ କ୍ଷୀର ତିଆରି କରିବାର ରେସିପି ବିଷୟରେ ଜାଣିବା ।
କାଜୁ କ୍ଷୀର ତିଆରି କରିବାର ରେସିପି :-
ପ୍ରଥମ ପଦ୍ଧତି – ପ୍ରଥମେ ଗୋଟିଏ କପ୍ କାଜୁ ନିଅନ୍ତୁ ଏବଂ ସେଗୁଡ଼ିକୁ ହାଲୁକା ଭାବରେ ଭାଜନ୍ତୁ । ଏହା କାଜୁକୁ ପେଷିବା ସହଜ କରିବ । ଏବେ ଏକ ମିକ୍ସର ଜାରରେ କାଜୁ ବାଦାମ ପକାଇ ଗ୍ରାଇଣ୍ଡିଂ କରନ୍ତୁ । ଏହାକୁ ପୁରା ପାଉଡର ପରି ଗ୍ରାଇଣ୍ଡିଂ କରନ୍ତୁ । କାଜୁ ଭଲ ଭାବରେ ପେଷି ହୋଇଗଲେ, ଏଥିରେ କିଛି ପାଣି ମିଶାନ୍ତୁ ଏବଂ ଏକ ଭଲ ପେଷ୍ଟ ତିଆରି କରନ୍ତୁ । ଏବେ କାଜୁରେ ଅଧିକ ପାଣି ମିଶାନ୍ତୁ ଏବଂ ଏହାକୁ ଏକ ଛଣା ମାଧ୍ୟମରେ ଛାଣିଦିଅନ୍ତୁ । ଏହାପରେ ଆପଣଙ୍କ ସ୍ୱାଦିଷ୍ଟ କାଜୁ କ୍ଷୀର ପ୍ରସ୍ତୁତ ।
ଦ୍ୱିତୀୟ ଉପାୟ – କାଜୁ କ୍ଷୀର ତିଆରି କରିବାର ଆଉ ଏକ ଉପାୟ ହେଉଛି ପ୍ରାୟ ୫ ରୁ ୬ ଚାମଚ କାଜୁକୁ ରାତିସାରା ପାଣିରେ ଭିଜାଇ ରଖିଦିଅନ୍ତୁ । ଏବେ କାଜୁରୁ ପାଣି ବାହାର କରି ଦିଅନ୍ତୁ କିମ୍ବା ସମାନ ପାଣି ସହିତ ମିକ୍ସରରେ ପକାଇ ଏକ ଭଲ ପେଷ୍ଟ ତିଆରି କରନ୍ତୁ । ଆପଣଙ୍କ ଆବଶ୍ୟକତା ଅନୁସାରେ ପାଣି ମିଶାନ୍ତୁ ଏବଂ ଏହାକୁ ଛାଣି ଦିଅନ୍ତୁ । କାଜୁ କ୍ଷୀର ପ୍ରସ୍ତୁତ ।
ଧ୍ୟାନ ଦେବା ଉଚିତ – health benifit ତେବେ ପ୍ରତିଦିନ କାଜୁ କ୍ଷୀର ପିଇବା କେତେକଙ୍କ ପାଇଁ କ୍ଷତିକାରକ ମଧ୍ୟ ହୋଇପାରେ । କାରଣ କାଜୁ କିଛି ଲୋକଙ୍କୁ ସୁହାଏ ନାହିଁ, ଡାକ୍ତରଙ୍କ ପରାମର୍ଶ ବିନା ସେମାନେ କାଜୁ କ୍ଷୀର ପିଇବା ଉଚିତ୍ ନୁହେଁ । ଏଭଳି ଲୋକମାନେ କାଜୁ କ୍ଷୀର ଅଧିକ ପରିମାଣରେ ପିଇବା ତାଙ୍କ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ।
