ଆପଣ କ’ଣ ମିଠା ସହିତ ଖିରି ଖାଇବାକୁ ପସନ୍ଦ କରନ୍ତି କି ?। ଖିରୀର ନାମ ଶୁଣିବା ମାତ୍ରେ ଆପଣଙ୍କ ପାଟିରେ ଏକ ମିଠା ସ୍ୱାଦ ଆସିଯାଏ । ଯାହା ବିଶେଷ କରି ପର୍ବପର୍ବାଣୀ ପାଇଁ ବହୁତ ଗୁରୁତ୍ବପୂର୍ଣ୍ଣ ହୋଇଥାଏ । ଯଦି ଆପଣଙ୍କୁ ଭାତ ଖିରି ଖାଇବା ଇଚ୍ଛା ଅଛି .ତେବେ ସେହି ଖିରି ବଦଳରେ ମଖାନା ଖିରି ଖାଇବା ଉଚିତ । ଯାହା ଚିନି ଏବଂ ଚାଉଳ ଖିରି ଅପେକ୍ଷା ମଖାନା ଖିରି ଆପଣଙ୍କ ପାଇଁ ଏକ ଉତ୍ତମ ବିକଳ୍ପ ହୋଇଥାଏ । ଏଥିରେ ଅନେକ ପୋଷକ ତତ୍ତ୍ବ ଭରପୁର ହୋଇ ରହିଛି । ଯାହା ଖାଇବା ଦ୍ବାରା ଆପଣଙ୍କୁ ବହୁତ ଲାଭ ମିଳିଥାଏ । ତେବେ ଏହାର ରାମବାଣ ଗୁଣ ସମ୍ପର୍କରେ ଜାଣିବା ।
ମଖାନା ଖିରିରେ ପ୍ରଚୁର ପରିମାଣରେ ଫାଇବର ମିଳିଥାଏ। ଯାହା ଖାଇବା ଦ୍ବାରା ଅନ୍ତନଳୀ ସ୍ୱାସ୍ଥ୍ୟ ପାଇଁ ବହୁତ ଲାଭଦାୟକ ବୋଲି ବିବେଚନା କରାଯାଇଥାଏ । ଯଦି ଆପଣ ମଧ୍ୟ ହଜମ ପ୍ରକ୍ରିୟାକୁ ଉନ୍ନତ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଖାଇବା ଲିଷ୍ଟରେ ମଖାନା ଖିରି ଆଡ୍ କରିପାରିବେ । ଯାହା ହଜମ ପ୍ରକ୍ରିୟାକୁ ଉନ୍ନତ କରିଥାଏ ଏବଂ କୋଷ୍ଠକାଠିନ୍ୟ ଦୂର କରିଥାଏ । ଏହା ବ୍ୟତୀତ ଏଥିରେ ଥିବା ଗୁରୁତ୍ବପୂର୍ଣ୍ଣ ଉପାଦାନଗୁଡିକ ଶରୀରକୁ ଶକ୍ତି ଯୋଗାଇବାରେ ସାହାଯ୍ୟ କରିଥାଏ । ଯାହା ଶରୀର ପାଇଁ ପ୍ରଭାବଶାଳୀ ବୋଲି ପ୍ରମାଣିତ ହୋଇଛି । ମଖାନାରେ କ୍ୟାଲୋରିର ପରିମାଣ କମ୍ ଥାଏ । ଯାହା ଓଜନ ହ୍ରାସ କରିବାରେ ବଡ଼ ଭୂମିକା ନିର୍ବାହ କରିଥାଏ । ତେଣୁ ଯଦି ଆପଣ ଓଜନ ହ୍ରାସ କରିବାକୁ ଚାହାଁନ୍ତି, ତେବେ ଆପଣ ଭାତ ଖିରି ବଦଳରେ ମଖାନା ଖିରି ଖାଇପାରିବେ । ଏହା ବ୍ୟତୀତ, ମଖାନାରେ ଥିବା ପୋଟାସିୟମ ଏବଂ ମ୍ୟାଗ୍ନେସିୟମ ରକ୍ତଚାପ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ମଖାନା ଖିରି ଜୀବନଘାତକ ଭଳି ହୃଦରୋଗର ଆଶଙ୍କାକୁ ହ୍ରାସ କରିଥାଏ । ଏହା କୋଲେଷ୍ଟ୍ରଲ୍ ହ୍ରାସ କରିବାରେ ମଧ୍ୟ ସାହାଯ୍ୟ କରିଥାଏ ।
ଚିନି ବଦଳରେ ଖଜୁର ବ୍ୟବହାର କରାଯାଇଥାଏ । ଯାହା ପ୍ରାକୃତିକ ମିଠା ଦେଇଥାଏ ଏବଂ ରକ୍ତ ଶର୍କରାକୁ ନିୟନ୍ତ୍ରଣ ରଖିବାରେ ସାହାଯ୍ୟ କରିଥାଏ । ମଖାନା ଖିରୀ ଏକ ଶକ୍ତି ପ୍ରଦାନକାରୀ ଖାଦ୍ୟ । ଯାହା ଆପଣଙ୍କୁ ସାରା ଦିନ ଆକ୍ଟିଭ୍ ରକିଥାଏ । ଏଥିରେ ଥିବା ଆଣ୍ଟିଅକ୍ସିଡାଣ୍ଟ ଏବଂ ଫ୍ଲାଭୋନଏଡ୍ସ ତ୍ୱଚାକୁ ଉଜ୍ଜ୍ୱଳ କରିଥାଏ ଏବଂ ବାର୍ଦ୍ଧକ୍ୟ ବିରୋଧୀ ଗୁଣ ପ୍ରଦାନ କରିଥାଏ ।
ହାଡ଼କୁ ମଜବୁତ କରିବା ପାଇଁ କ୍ୟାଲସିୟମ ଏବଂ ଫସଫରସର ଆବଶ୍ୟକତା ପଡିଥାଏ । ଯାହା ପ୍ରଚୁର ପରିମାଣରେ ମଖାନାରୁ ମିଳିଥାଏ । ତେଣୁ ଆପଣ ମଖାନା ଖିରୀ ଖାଇବା ଉଚିତ୍ । ପୁଷ୍ଟିକର ତତ୍ତ୍ୱରେ ଭରପୂର ମାଖାନା ଖିରୀ ଆପଣଙ୍କ ସୁସ୍ଥ ଶରୀର ପାଇଁ ଏକ ବରଦାନ ସାବ୍ୟସ୍ତ ହୋଇଥାଏ । ଏହାକୁ ତିଆରି କରିବାର ଉପାୟ ହୁଏ ତ ସମସ୍ତଙ୍କୁ ଜଣା ନଥିବ । ତେବେ ଏହାକୁ କିପରି ତିଆରି କରି ଖାଇବେ ଆସନ୍ତୁ ଜାଣିବା ।
ଏକ ପ୍ୟାନରେ ୧ ଚାମଚ ଘିଅ ପକାଇ ସେଥିରେ ମଖାନାକୁ କମ୍ ଆଞ୍ଚରେ ୫-୭ ମିନିଟ୍ ପାଇଁ ଭାଜନ୍ତୁ। ଯେତେବେଳେ ମଖାନା ଖସ୍ତା ହୋଇଯିବ, ସେଗୁଡ଼ିକୁ ଟିକେ ଥଣ୍ଡା ହେବାକୁ ଦିଅନ୍ତୁ ଏବଂ ତାପରେ ସେଗୁଡ଼ିକୁ ମୋଟା ଭାବରେ ପିସନ୍ତୁ । ଏହା ପରେ, ଖଜୁରକୁ ୧୫ ମିନିଟ୍ ପାଇଁ ଉଷୁମ ପାଣିରେ ଭିଜାଇ ମିକ୍ସରରେ ପିସନ୍ତୁ ଏବଂ ପେଷ୍ଟ ତିଆରି କରନ୍ତୁ । ଏକ ପ୍ୟାନରେ କ୍ଷୀର ପକାଇ କମ୍ ଆଞ୍ଚରେ ୧୦ ମିନିଟ୍ ପାଇଁ ଫୁଟାନ୍ତୁ, ଯାହା ଫଳରେ ଏହା ଟିକେ ଘନ ହୋଇଯିବ । ଏବେ କ୍ଷୀରରେ ଗୁଣ୍ଡ ମାଖାନା ପକାଇ ୫ ମିନିଟ୍ ପାଇଁ ରାନ୍ଧିବାକୁ ଦିଅନ୍ତୁ । ଏବେ ପ୍ରାକୃତିକ ମିଠା ପାଇଁ ଖଜୁର ପେଷ୍ଟ ପକାଇ ଭଲ ଭାବରେ ମିଶାନ୍ତୁ । ତାପରେ ଏଥିରେ ବାଦାମ, କାଜୁ, ପିସ୍ତା ଏବଂ ଗୁଜୁରାତି ଗୁଣ୍ଡ ପକାନ୍ତୁ । ଏହା ପରେ ୨ ମିନିଟ୍ ପାଇଁ ରାନ୍ଧନ୍ତୁ ଏବଂ ପରିବେଷଣ କରନ୍ତୁ ।
