କେଶ ଧଳା ହେବା, ଦୁର୍ବଳ ହୋଇଯିବା ଆଜିକାଲି ସାଧାରଣ କଥା ହୋଇଗଲାଣି । କିନ୍ତୁ ଲୋକମାନେ ସବୁବେଳେ ଏହାକୁ କଳା କରିବା ପାଇଁ କେମିକାଲ କଲର ବ୍ୟବହାର କରନ୍ତି, ତେବେ ଏହା ଆପଣଙ୍କ ପାଇଁ କ୍ଷତିକାରକ ହୋଇପାରେ । ଏହି ସମସ୍ୟାରୁ ବର୍ତ୍ତିବା ପାଇଁ ଲୋକେ ବିଭିନ୍ନ ଉପାୟ ଆପଣାଇ ଥାଆନ୍ତି । କିନ୍ତୁ କୌଣସି ପ୍ରଭାବ ନଜର ଆସି ନ ଥାଏ । ଏମିତିରେ କେଶର ରଙ୍ଗ ପୁଣି ଫେରି ପାଇବା ଏବଂ ନୂଆ କେଶ ଉଠିବା ପାଇଁ ଆପଣ କିଛି ଘରୋଇ ଉପାୟ ବ୍ୟବହାର କରିପାରିବେ । ଏହାଦ୍ୱାରା ଆପଣଙ୍କ କେଶ ପ୍ରାକୃତିକ ଉପାୟରେ କଳା ହେବ ଏବଂ କେଶର ରଙ୍ଗ ଫେରି ଆସିବ। ଆସନ୍ତୁ ଜାଣିବା କେମିତି ବ୍ୟବହାର କରିବା ଏହି ସବୁ ଜିନିଷ।କେଶକୁ କଳା କରିବାର ପ୍ରାକୃତିକ ଉପାୟ :
ଅଁଳା ପାଉଡର : ଅଁଳାରେ ଭିଟାମିନ୍ ସି ଏବଂ ଅନେକ ଜିନିଷ ଭରପୂର ମାତ୍ରାରେ ରହିଥାଏ, ଯାହା କେଶର ରଙ୍ଗକୁ କଳା କରିଥାଏ । ଅଁଳାରେ ଆଣ୍ଟିଅକ୍ସିଡାଣ୍ଟ ମଧ୍ୟ ଭରପୂର । ଏଥିରେ ଥିବା ଆଣ୍ଟିଅକ୍ସିଡାଣ୍ଟ କେଶରକୁ କ୍ଷତି ହେବାରୁ ରକ୍ଷା କରେ, ଯାହା କେଶ ଧଳା ହେବା କମ କରିପାରେ । ଅଁଳା ପାଉଡରକୁ ଉଷୁମ ପାଣି ସହିତ ମିଶାଇ ଏକ ପେଷ୍ଟ ତିଆରି କରନ୍ତୁ । ଏହାକୁ ଆପଣଙ୍କ କେଶ ଏବଂ ମୁଣ୍ଡରେ ଭଲ ଭାବରେ ଲଗାନ୍ତୁ । ଏହାକୁ ପ୍ରାୟ ୪୫ ରୁ ୬୦ ମିନିଟ୍ ପାଇଁ ଛାଡି ଦିଅନ୍ତୁ । ଏହା ପରେ ଉଷୁମ ପାଣିରେ ଧୋଇ ଦିଅନ୍ତୁ ।
କଫି : କଫିରେ ଏପରି ଜିନିଷ ଥାଏ ଯାହା କେଶକୁ କଳା କରିବାରେ ସାହାଯ୍ୟ କରେ । କଫିରେ ଥିବା କ୍ୟାଫିନ୍ କେବଳ କେଶକୁ କଳା କରେ ନାହିଁ ବରଂ କେଶ ଲମ୍ବା ମଧ୍ୟ କରେ । ଏହା କେଶ ଝଡ଼ିବା ପାଇଁ ଦିଏ ନାହିଁ । କେଶକୁ କଳା କରିବା ପାଇଁ, ଏକ କପ୍ କଫି ତିଆରି କରନ୍ତୁ ଏବଂ ଏହାକୁ ଥଣ୍ଡା ହେବାକୁ ଦିଅନ୍ତୁ । ଏହାକୁ ଆପଣଙ୍କର ହେୟାର କଣ୍ଡିସନର ସହିତ ମିଶ୍ରଣ କରନ୍ତୁ । ଏହି ମିଶ୍ରଣକୁ ଆପଣଙ୍କ କେଶରେ ଲଗାନ୍ତୁ ଏବଂ ୨୦ ରୁ ୩୦ ମିନିଟ୍ ପାଇଁ ଛାଡି ଦିଅନ୍ତୁ । ଭଲ ଭାବରେ ଧୋଇ ଦିଅନ୍ତୁ ।
ଭୃସଙ୍ଗ ପତ୍ର : ଭୃସଙ୍ଗ ପତ୍ର ପ୍ରୋଟିନର ଏକ ଉତ୍ସ, ଯାହା କେଶ ଝଡ଼ିବା କମ କରିପାରେ ଏବଂ କେଶ ବଢିବାକୁ ଲାଗିବ । ନଡ଼ିଆ ତେଲ ସହିତ ମିଶ୍ରଣ ଏହି ପୋଷକ ତତ୍ତ୍ୱଗୁଡ଼ିକୁ ମୁଣ୍ଡରେ ପ୍ରବେଶ କରିବାରେ ସାହାଯ୍ୟ କରେ । ନଡ଼ିଆ ତେଲରେ ମୁଠାଏ ଭୃସଙ୍ଗ ପତ୍ର କଳା ହେବା ପର୍ଯ୍ୟନ୍ତ ଫୁଟାନ୍ତୁ । ତେଲକୁ ଥଣ୍ଡା ହେବାକୁ ଦିଅନ୍ତୁ, ତାପରେ ଏହାକୁ ଆପଣଙ୍କ ମୁଣ୍ଡ ଏବଂ କେଶରେ ଲଗାନ୍ତୁ । ଏହାକୁ ରାତିସାରା ଛାଡ଼ି ଦିଅନ୍ତୁ ଏବଂ ସକାଳେ ଆପଣଙ୍କ କେଶ ଧୋଇ ଦିଅନ୍ତୁ । ଦେଖିବେ ଆପଣଙ୍କ କେଶ ଝାଡ଼ିବା କମ ହେବ ଏବଂ କେଶ ବଢିବାକୁ ଲାଗିବ ।
ମେଥି ମଞ୍ଜି ସହିତ ଅଁଳା : ମେଥି ମଞ୍ଜି ଫୋଲିକ୍ ଏସିଡ୍, ଭିଟାମିନ୍ ଏ, ଭିଟାମିନ୍ କେ ଏବଂ ଭିଟାମିନ୍ ସିରେ ଭରପୂର ଏବଂ ଖଣିଜ ପଦାର୍ଥର ଭଣ୍ଡାର । ଏହି ପୋଷକ ତତ୍ତ୍ୱଗୁଡ଼ିକ ମୁଣ୍ଡକୁ ଭଲ ରଖିଥାଏ ଏବଂ କେଶ ଝଡ଼ିବାକୁ ନିୟନ୍ତ୍ରଣ କରିଥାଏ । ମେଥି ମଞ୍ଜିକୁ ରାତିସାରା ପାଣିରେ ଭିଜାଇ ରଖନ୍ତୁ । ସେଗୁଡ଼ିକୁ ପେଷ୍ଟ ତିଆରି କରନ୍ତୁ ଏବଂ ଅଁଳା ପାଉଡର ଏବଂ ପାଣି ସହିତ ମିଶାନ୍ତୁ । ଏହି ମିଶ୍ରଣକୁ ଆପଣଙ୍କ କେଶ ଏବଂ ମୁଣ୍ଡରେ ଲଗାନ୍ତୁ । ଏହାକୁ ପ୍ରାୟ ଗୋଟିଏ ଘଣ୍ଟା ପାଇଁ ଛାଡି ଦିଅନ୍ତୁ, ତାପରେ ଧୋଇ ଦିଅନ୍ତୁ ।
