ନକଲି ବିଦେଶୀ ମଦ ରାକେଟ ଠାବ

କଟକ : ଅବକାରୀ ବିଭାଗକୁ ବଡ଼ ସଫଳତା। ନକଲି ବିଦେଶୀ ମଦ ରାକେଟ ଠାବ । ଅବକାରୀ ବିଭାଗର କେନ୍ଦ୍ରାଞ୍ଚଳ ଗୁଇନ୍ଦା ବିଭାଗ ଠାବ କରିଛି ନକଲି ବିଦେଶୀ ମଦ। କଟକ ଜିଲ୍ଲା ଆଠଗଡର ମୈତ୍ରୀ ନଗର ଓ ଢେ଼ଙ୍କାନାଳ ହିନ୍ଦୋଳର ବାଉଁଶପୋଖରୀ ଅଞ୍ଚଳରେ ଚଢ଼ାଉ କରି ପାଖାପାଖି ୭୦୦ ପେଟି ବିଦେଶୀ ମଦ ଜବତ ହୋଇଛି । ଅବକାରୀ ବିଭାଗର ଗୁଇନ୍ଦା ଟିମ୍ ନିଜେ ଗ୍ରାହକ ସାଜି ତୋମଣ୍ଡୋ ଅଞ୍ଚଳରେ ପ୍ରଥମେ ମଦ ଧରିଥିଲେ । ପରେ ଆଠଗଡ ଓ ହିନ୍ଦୋଳରେ ଚଢ଼ାଉ କରି ୭୦୦ ପେଟି ନକଲି ବିଦେଶୀ ମଦ ଜବତ କରାଯାଇଛି । ଏହି ମାମଲାରେ ୪ ଜଣଙ୍କୁ ଗିରଫ ହୋଇଥିବା ବେଳେ ଗୋଟିଏ ଗାଡ଼ି ଜବତ କରାଯାଇଛି । ଯାହାର ଆନୁମାନିକ ମୂଲ୍ୟ ୭୭ ଲକ୍ଷ ଟଙ୍କା ହେବ ।