ଟାରିଫ ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବଡ଼ ଦାବି । ଭାରତ ଉପରେ ଟାରିଫ ରୁଷର ଅର୍ଥନୀତିକୁ ଦୋହଲାଇଦେଲା ବୋଲି କହିଛନ୍ତି ଆମେରିକା ରାଷ୍ଟ୍ରପତି । ଆଲାସ୍କାରେ ପୁଟିନଙ୍କ ସହ ଆଲୋଚନା ପୂର୍ବରୁ ଏଭଳି ବିବାଦୀୟ ବୟାନ ଦେଇଛନ୍ତି ଟ୍ରମ୍ପ ।
ଭାରତର ରୁଷଠୁ ତୈଳ କିଣିବା ଉପରେ ଲାଗୁ ହୋଇଥିବା ୫୦ ପ୍ରତିଶତ ଟାରିଫ ରୁଷ ଅର୍ଥନୀତି ଉପରେ ଗୁରୁତର ପ୍ରଭାବ ପକାଇଛି ବୋଲି ଆମେରିକା ରାଷ୍ଟ୍ରପତି କହିଛନ୍ତି । ଟ୍ରମ୍ପ ଗତ ସପ୍ତାହରେ ଭାରତ ଉପରେ ଶୁଳ୍କକୁ ୫୦ ପ୍ରତିଶତକୁ ବଢାଇଛନ୍ତି। ଯାହା ଦୁଇଟି ପର୍ଯ୍ୟାୟରେ ଲାଗୁ ହୋଇଛି । ୩୦ ଜୁଲାଇରେ ୨୫ ପ୍ରତିଶତ ଶୁଳ୍କ ଓ ୭ ଅଗଷ୍ଟରେ ଅତିରିକ୍ତ ୨୫ ପ୍ରତିଶତ ଶୁଳ୍କ ଘୋଷଣା କରିଛନ୍ତି ।
ଟ୍ରମ୍ପ କହିଛନ୍ତି, ଭାରତ ରୁଷଠୁ ସବୁଠାରୁ ବଡ଼ କିମ୍ବା ଦ୍ୱିତୀୟ ବଡ଼ ତୈଳ କ୍ରେତା” ହୋଇଥିବାରୁ ଏହି ଶୁଳ୍କ ରୁଷିଆର ଅର୍ଥନୀତିକୁ “ବିଶେଷ ଭାବେ ବିଚଳିତ” କରିଛି । ଭାରତ ଉପରେ ଶୁଳ୍କ ରୁଷିଆର ଅର୍ଥନୀତିକୁ ଦୁର୍ବଳ କରିଥିବା ଟ୍ରମ୍ପ ଦାବି କରିଛନ୍ତି । ଏପଟେ ଆମେରିକାର ଟାରିଫକୁ ଅନ୍ୟାୟ, ଅଯୌକ୍ତିକ ଏବଂ ଅଗ୍ରହଣୀୟ” ବୋଲି କହିଛି ଭାରତ ।
