ପ୍ରବଳ ଜାଡ଼ରେ ଥରୁଛି ମୟୁରଭଞ୍ଜ, ରେକର୍ଡ କରାଯାଇଛି ତାପମାତ୍ରା

ମୟୁରଭଞ୍ଜ : ପ୍ରବଳ ଜାଡ଼ରେ ଥରୁଛି ମୟୁରଭଞ୍ଜ । ଦୁଇ ଦିନ ହେଲାଣି ମୟୁରଭଞ୍ଜ ଜିଲ୍ଲାରେ -୧° ଡିଗ୍ରୀ ତାପମାତ୍ରା ଥିବା ବେଳେ ଆଜି -୨°ଖସିଲା ପାରଦ । କୁହୁଡି ସାଙ୍ଗକୁ ହାଡ଼ଭଙ୍ଗା ଶୀତ ରେ ଥରୁଛି ମୟୁରଭଞ୍ଜ । ହାଡ଼ଭଙ୍ଗା ଶୀତ ସାଙ୍ଗକୁ ଶିମିଳିପାଳର ବିଭିନ୍ନ ଅଞ୍ଚଳରେ ତୁଷାର ପାତ ହେଇଛି । ଶିମିଳିପାଳ ଏବଂ ପାଦଦେଶର ସହିତ କରଞ୍ଜିଆ, ଶୁକୃଲି, ରରୁଆ,ଯଶିପୁର ଏବଂ ଠାକୁରମୁଣ୍ଡା ଅଞ୍ଚଳରେ ଘନ କୁହୁଡି ସାଙ୍ଗକୁ ଶୀତର ଲହରୀ ଜାରି ରହିଛି, ଆଜି ସକାଳ ୬ ସୁଦ୍ଧା ଶିମିଳିପାଳର ଉପର ବାରାକାମୁଡ଼ାରେ ସର୍ବନିମ୍ନ ତାପମାତ୍ରା -୨° ଡିଗ୍ରୀ, ଚହଲାରେ ୨° ଗୁଡ଼ିଗୁଡ଼ିଆ ରେ ୧°, ଚହଲା ଡିଗ୍ରୀ ତାପମାତ୍ରା ରେକର୍ଡ କରାଯାଇଛି,ଏନେଇ RCCF ପକ୍ଷରୁ ସୂଚନା ମିଳିଛି ।