ବାସି ଭୋଜି ଖାଇ ୮ ଅସୁସ୍ଥ

ଭଦ୍ରକ : ବାସି ଭୋଜି ଖାଇ ୮ ଅସୁସ୍ଥ । ଚିକିତ୍ସା ପାଇଁ ଗାଁରେ ପହଞ୍ଚିଲା ଡାକ୍ତରୀ ଟିମ । ଭଣ୍ଡାରିପୋଖରୀ ବ୍ଲକ ପାଟୁଳି ପଞ୍ଚାୟତ ମୋବାରକପୁର ଗେଙ୍ଗୁଟିଆ ଆଦିବାସୀ ସାହିରେ ଦେଖିବାକୁ ମିଳିଛି ଏପରି ଘଟଣା । ସୋମବାର ଅପରାହ୍ନରେ ସ୍ଥାନୀୟ କେତେକ ଯୁବକ ଆଦିବାସୀଙ୍କୁ ବଳକା ଭୋଜିଖାଦ୍ୟ ବିତରଣ କରିଥିଲେ । ଏହି ଭୋଜି ଖାଇ ମଙ୍ଗଳବାର ଅପରାହ୍ନରେ ଏକାଧିକ ଲୋକଙ୍କ ନାଳରକ୍ତ ଝାଡ଼ା ହୋଇଥିଲା । ଅସୁସ୍ଥ ଲୋକଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଥିଲା । ସାହିର ଅର୍ଜୁନ ମୁଣ୍ଡାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଯାଜପୁର ମେଡିକାଲ ସ୍ଥାନାନ୍ତର କରାଯାଇଥିଲା । ଗତ ରାତିରେ ଭଣ୍ଡାରୀପୋଖରୀ ସ୍ଵାସ୍ଥ୍ୟକେନ୍ଦ୍ରର ଗୋଟିଏ ଟିମ ସାହିରେ ପହଞ୍ଚି ଚିକିତ୍ସା ଆରମ୍ଭ କରିଛି । ଧିରେ ଧିରେ ସମସ୍ତଙ୍କ ସ୍ବାସ୍ଥ୍ୟାବସ୍ଥାରେ ସୁଧାର ଆସୁଥିବା ମେଡିକାଲ୍ ଟିମ କହିଛି ।