ବର୍ତ୍ତମାନର ଜୀବନଶୈଳୀ କାରଣରୁ ଲୋକେ ଯେଉଁଠାରେ ସୁବିଧା ପାଆନ୍ତି ସେହି ସ୍ଥାନରେ ଭୋଜନ କରନ୍ତି । କୌଣସି ସଠିକ୍ ସ୍ଥାନ ଚୟନ କରୁନଥିବା ଅନେକ ସ୍ଥାନରେ ଦେଖାଯାଏ । ମାତ୍ର ବାସ୍ତୁ ଅନୁଯାୟୀ ଏପରି କରିବା ଆଦୌ ଉଚିତ୍ ନୁହେଁ । ମାନ୍ୟତା ଅନୁଯାୟୀ ଭୋଜନକୁ ନେଇ ବାସ୍ତୁ ଶାସ୍ତ୍ରରେ କିଛି ନିୟମ ବର୍ଣ୍ଣନା କରାଯାଇଛି । ସେହି ନିୟମର ପାଳନ କରିବା ଦ୍ୱାରା ମା’ଲକ୍ଷ୍ମୀଙ୍କ କୃପା ସର୍ବଦା ରହିଥାଏ । ନଚେତ୍ ବାସ୍ତୁ ଦୋଷ ଲାଗିବା ସହ ଅଭାବ ଲାଗି ରହିଥାଏ । ଜାଣନ୍ତୁ ଭୋଜନ ସହ ଜଡିତ ଏହି ବାସ୍ତୁ ନିୟମ ବିଷୟରେ..
ଅନେକ ସମୟରେ ଦେଖାଯାଏ ଲୋକେ ଖଟ ଉପରେ ବସି ଭୋଜନ କରନ୍ତି । ଯାହା ବାସ୍ତୁ ଅନୁଯାୟୀ ଅନୁଚିତ୍ । ଏହାଦ୍ୱାରା ସ୍ୱାସ୍ଥ୍ୟ ଉପରେ କୁପ୍ରଭାବ ପଡିଥାଏ । ଆର୍ଥିକ ସମସ୍ୟା ଲାଗି ରହିଥାଏ । ମାନସିକ ଦୁଃଶ୍ଚିନ୍ତା ଲାଗି ରହିଥାଏ । ଖଟରେ ବସି ଖାଦ୍ୟ ସେବନ କରିବାକୁ ବାରଣ କରାଯାଇଛି ।
ଅସନା ଅପରିଷ୍କାର କରି ଭୋଜନ କରନ୍ତୁ ନାହିଁ । ଭୋଜନ ପୂର୍ବରୁ ଘରକୁ ସର୍ବଦା ପରିଷ୍କାର କରନ୍ତୁ । ନଚେତ୍ ନକରାତ୍ମକ ଶକ୍ତି ପ୍ରବେଶ କରିଥାଏ ।
ପୂଜା ଘରର ଅତି ନିକଟରେ ବସି ଭୋଜନ କରନ୍ତୁ ନାହିଁ । ନଚେତ୍ ଭଗବାନ ଅସନ୍ତୁଷ୍ଟ ହୋଇଥାନ୍ତି । ଘରୁ ସୁଖସମୃଦ୍ଧି ଦୂର ହୋଇଥାଏ ।
କିଛି ଲୋକେ ରୋଷେଇ ଘରେ ବସି ଭୋଜନ କରନ୍ତି । ମାତ୍ର ରୋଷେଇ ଘରେ କଦାପି ଭୋଜନ କରିବା ଉଚିତ୍ ନୁହେଁ । ଏହାଦ୍ୱାରା ଘରୁ ସୁଖଶାନ୍ତି ଦୂର ହୋଇଯାଏ । କଳହ ଲାଗି ରହିଥାଏ ।
କବାଟ କିମ୍ବା ଚଉକାଠ ନିକଟରେ ମଧ୍ୟ ଭୋଜନ କରନ୍ତୁ ନାହିଁ । ଏହାଦ୍ୱାରା ନକରାତ୍ମକ ଶକ୍ତି ପ୍ରବେଶ କରିବା ସହ ମା’ ଲକ୍ଷ୍ମୀ ଅସନ୍ତୁଷ୍ଟ ହୋଇଥାନ୍ତି ।
