ଅନେକ ଥର ଦେଖାଯାଏ, ଘରେ ବିନା କୌଣସି କାରଣରେ ଅଶାନ୍ତି ଓ କଳହ ଲାଗି ରହିଥାଏ । ଛୋଟ ଛୋଟ କଥାରେ ଘରେ ଝଗଡା ସହ ସମସ୍ୟା ଲାଗି ରହିଥାଏ । ବାସ୍ତୁ ଶାସ୍ତ୍ରରେ ଏସବୁ ସମସ୍ୟାର ସମାଧାନ ପାଇଁ କିଛି ସରଳ ଉପାୟ ବର୍ଣ୍ଣନା କରାଯାଇଛି । ବାସ୍ତୁରେ କିଛି ଗଛ ବିଷୟରେ ମଧ୍ୟ ବର୍ଣ୍ଣନା କରାଯାଇଛି, ଯାହାକୁ ଘରେ ଆଣି ରଖିଲେ ଘରୁ ଅଶାନ୍ତି ଦୂର ହୋଇଥାଏ । ଏହାସହ ଘରେ ଶାନ୍ତି, ହସଖୁସି, ପ୍ରେମ, ଉତ୍ତମ ବୁଝାମଣା ବୃଦ୍ଧି ପାଇଥାଏ ।
ମଲ୍ଲି ଫୁଲ କେବଳ ସାଜସଜ୍ଜା ପାଇଁ ନୁହେଁ ବରଂ ଘରେ ଏହା ସକରାତ୍ମକ ଶକ୍ତି ଆଣିଥାଏ । ଏହା ବାସ୍ନା ଚିନ୍ତା ଦୂର କରିବା ସହ ଘରେ ଶାନ୍ତି ରଖିଥାଏ । ଏହି ଫୁଲ ଶୁକ୍ର ଗ୍ରହଙ୍କ ସହ ସମ୍ବନ୍ଧିତ । ଯେ କି ପ୍ରେମ, ଆକର୍ଷଣ ଓ ଐଶ୍ୱର୍ଯ୍ୟର ପ୍ରତୀକ । ଏହାସହ ଚନ୍ଦ୍ରମା ମଧ୍ୟ ଏହା ସହ ଜଡିତ । ଯାହା ମନକୁ ଶାନ୍ତ ରଖିଥାଏ । ଶୁକ୍ରବାର ମା’ଲକ୍ଷ୍ମୀଙ୍କୁ ଏହି ଫୁଲ ଅର୍ପଣ କଲେ ଘରେ ସୁଖ-ସମୃଦ୍ଧି ବୃଦ୍ଧି ହୋଇଥାଏ ।
ବାସ୍ତୁ ଶାସ୍ତ୍ର ଅନୁସାରେ ମଲ୍ଲି ଫୁଲ ଗଛକୁ ଉତ୍ତର-ପଶ୍ଚିମ ଦିଗରେ ଲଗାଇବା ଶୁଭଙ୍କର । ଏହା ପରିବାର ସଦସ୍ୟଙ୍କ ମଧ୍ୟରେ ମଧୁରତା, ଉତ୍ତମ ବୁଝାମଣା ରହିଥାଏ । ଏହାସହ ଏହାକୁ ମୁଖ୍ୟ ଦ୍ୱାରର ୨ ପଟରେ କିମ୍ବା ବାଲକୋନୀରେ ମଧ୍ୟ ରଖିପାରିବେ ।
