ଭୁବନେଶ୍ବର: ବିଧାନସଭା ଦେଖିବ ଚାଷୀ ଝଡ଼ । ଆଜିଠାରୁ ବିଧାନସଭା ବଜେଟ୍ ଅଧିବେଶନ ଆରମ୍ଭ ହେଉଛି । ରାଜ୍ଯପାଳଙ୍କ ଅଭିଭାଷଣରୁ ବିଧାନସଭା ଆରମ୍ଭ ହେବ । ଗତକାଲି ବିରୋଧୀ-ଶାସକ ରଣନୀତି ପ୍ରସ୍ତୁତ କରିଛନ୍ତି । ଚାଷୀ ପ୍ରସଙ୍ଗକୁ ନେଇ ସରକାରଙ୍କୁ ଘେରିବା ପାଇଁ ରଣନୀତି ପ୍ରସ୍ତୁତ କରିଛନ୍ତି ବିରୋଧୀ । ଚାଷୀମାନେ ମଣ୍ଡିରେ ଖୋଲା ଆକାଶ ତଳେ ଶୀତ ରାତି କାଟୁଛନ୍ତି । ସରକାରଙ୍କ ଚାଷୀ ବିରୋଧୀ ମନୋଭାବ ବିରୋଧରେ ବିଧାନସଭାରେ ବିରୋଧ ପାଇଁ ବିଜେଡି ନିଷ୍ପତ୍ତି ନେଇଛି ।
ବିଧାନସଭାରେ ଭିତରେ ପ୍ରତିବାଦ ସହିତ ସରକାରଙ୍କୁ ଘେରିବା ପାଇଁ ବିଜେଡି ନିଷ୍ପତ୍ତି ନେଇଛି। ଯଦି ମଣ୍ଡିରେ ଚାଷୀଙ୍କ ସ୍ୱର ଶୁଣାଯାଉନାହିଁ, ତେବେ ସେହି ସ୍ୱର ବିଧାନସଭାରେ ଗର୍ଜିଉଠିବ ବୋଲି ବିଧାୟକ ମାନଙ୍କୁ ଗତକାଲି କହିଛନ୍ତି ନବୀନ । ସେହିଭଳି କଂଗ୍ରେସ ମଧ୍ୟ ଚାଷୀ ପ୍ରସଙ୍ଗରେ ସରକାରଙ୍କୁ ଘେରିବା ପାଇଁ ରଣନୀତି ପ୍ରସ୍ତୁତ କରିଛି । ସେପଟେ ବିରୋଧୀଙ୍କୁ ସାମ୍ନା କରିବାକୁ ସମ୍ପୂର୍ଣ୍ଣ ପ୍ରସ୍ତୁତ ଶାସକ ଦଳ । ବିରୋଧୀଙ୍କୁ ଜବାବ ଦେବାକୁ ଆମେ ପ୍ରସ୍ତୁତ ବୋଲି ଶାସକ ଦଳ କହିଛି ।
