ରାୟଗଡା : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ପୂଜାରୀଗୁଡା ପଞ୍ଚାୟତର ରେଖାଲଗୁଡା ଗ୍ରାମର ଇଲିଗା ହୁଈକାଙ୍କ ପୁଅ ବଳରାମ ହୁଈକା (୨୪)ବିଷ ପିଇ ଆତ୍ମହତ୍ୟା କରିଥିବା ଜଣାପଡିଛି ।
ସୂଚନା ଅନୁଯାୟୀ ଗତକାଲି ପୁଅ ବଳରାମ କେଉଁଆଡ଼େ ଯାଇ ସନ୍ଧ୍ୟାରେ ପାଞ୍ଚ ଘଣ୍ଟା ସମୟରେ ଘରକୁ ଫେରିଥିଲେ । ସେ ମଦ ସହ ବିଷ ଖାଇଛି ବୋଲି କହିଥିଲେ । ଏହାର କିଛି ସମୟ ପରେ ଯୁବକ ଜଣକ ଛଟପଟ ହେବାରୁ ପରିବାର ଲୋକେ ଦେଖି ସଙ୍ଗେ ସଙ୍ଗେ ଆମ୍ବୁଲାନ୍ସରେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଏଠାରେ ଡାକ୍ତର ଚିକିତ୍ସା କରିବା ବେଳେ ତାର ମୃତ୍ୟୁ ହୋଇଯାଇଥିବା ଘୋଷଣା କରିଥିଲେ । ଆଜି ଘଟଣାସ୍ଥଳରେ ପୁଲିସ ଏଏସଆଇ ପୁରୁଷୋତ୍ତମ ଜାନି ପହଞ୍ଚି କେସ ନମ୍ବର ୨/୧୧.୨.୨୫ରେ ଅପମୃତ ମାମଲା ରୁଜୁ କରି ଶବ ବ୍ୟବଚ୍ଛେଦ କରିବା ପରେ ପରିବାରକୁ ହସ୍ତାନ୍ତର କରିଥିଲେ ।
