ହିମାଚଳ ପ୍ରଦେଶ ଚମ୍ବାରେ ଭୂକମ୍ପ ଅନୁଭୂତ ହୋଇଛି । ଭୂକମ୍ପର ତୀବ୍ରତା ୪.୦ ରହିଛି । ଯାହାର କେନ୍ଦ୍ରସ୍ଥଳ ୨୦ କିଲୋମିଟର ଗଭୀରତାରେ ରହିଥିବା ସୂଚନା ମିଳିଛି । ଆଜି ଭୋର ୪.୩୯ରେ ଭୂକମ୍ପ ଅନୁଭୂତ ହୋଇଛି । ଏହା ସହିତ ସେହି ସମୟରେ ମଧ୍ୟ ପାକିସ୍ତାନରେ ଭୂକମ୍ପ ଅନୁଭୂତ ହୋଇଛି । ଯାହାର ତୀବ୍ରତା ୩.୭ ରହିଥିବା ଜଣାପଡିଛି । ବାରମ୍ବାର ଭୂକମ୍ପ ହେବାରୁ ପ୍ରଶାସନର ଚିନ୍ତାକୁ ବଢାଇ ଦେଇଛି ।
ନିକଟରେ ସୋମବାର ରାତି ୯.୨୮ ରେ ହିମାଚଳ ପ୍ରଦେଶର କାଙ୍ଗଡା ଜିଲ୍ଲାରେ ଭଧ୍ୟ ଭୂକମ୍ପ ଅନୁଭୂତ ହୋଇଥିଲା । ଯାହାର ତୀବ୍ରତା ୩.୯ ରହିଥିଲା । ଯାହାର କେନ୍ଦ୍ରସ୍ଥଳ ୧୦କିଲୋମିଟର ଗଭୀରତାରେ ଥିଲା । ଏହାରି ମଧ୍ୟରେ ପାଣିପାଗ ବିଭାଗର ଅଧିକାରୀମାନେ କହିଛନ୍ତି ଯେ ଏହାର ଅକ୍ଷାଂଶ ୩୨.୨୩ ଉତ୍ତର ଏବଂ ଦ୍ରାଘିମା ୭୬.୩୮ ପୂର୍ବରେ ଥିଲା ।
