ମଦ ପୋଚ ଖାଇ ୫ ଗାଈ ମୃତ, ୫୦ରୁ ଊର୍ଦ୍ଧ୍ବ ଅସୁସ୍ଥ

ଅନୁଗୁଳ: ମଦ ପୋଚ ଖାଇ ୫ ଗାଈ ମୃତ, ୫୦ରୁ ଊର୍ଦ୍ଧ୍ବ ଅସୁସ୍ଥ । ଅନୁଗୁଳ ଜିଲ୍ଲା କଣିହାଁ ବ୍ଲକ ବଜ୍ରକୋଟ ଗାଁରେ ଅଭାବନୀୟ ଘଟଣା ଘଟିଛି । ପଡୋଶୀ ଗାଁ ଡମଯୋଡିରେ ବହୁ ପରିମାଣର ବେଆଇନ ଦେଶୀ ମଦ ତିଆରି କରାଯାଉଛି । ବେଆଇନ ଭାବେ ଚାଲୁଥିବା ଦେଶୀ ମଦ ଭାଟିର ପୋଚ ଖାଇ ୫ଟି ଗାଈର ମୃତ୍ୟୁ ହୋଇଥିବାବେଳେ ୫୦ରୁ ଅଧିକ ଅସୁସ୍ଥ ହୋଇଛନ୍ତି । ଏନେଇ ରେଙ୍ଗାଳି ଥାନାରେ ଏତଲା ଦେବା ସହ କ୍ଷତିପୂରଣ ଦାବି କରିଛନ୍ତି ଗାଈ ମାଲିକ । ଘଟଣାକୁ ନେଇ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ଅଭିଯୋଗ ପରେ ତଦନ୍ତ କରୁଛି ପୋଲିସ । ରେଙ୍ଗାଳି ପ୍ରାଣୀ ଚିକତ୍ସକ ଓ କଣିହାଁ ବ୍ଲକ ପ୍ରାଣୀ ଚିକତ୍ସାକାରୀ ଡକ୍ଟର ଶୁଭେନ୍ଦୁ ରଞ୍ଜନ ସେଠୀଙ୍କ ସହିତ ଏକ ଟିମ୍ ଘଟଣାର ଅନୁଧ୍ୟାନ କରୁଛନ୍ତି ।