ଭୁବନେଶ୍ବର: ଖୁବ ଶୀଘ୍ର ଆରମ୍ଭ ହେବ କୋଷ୍ଟାଲ ହାଇୱେ ପ୍ରକଳ୍ପ କାର୍ଯ୍ୟ । ପ୍ରକଳ୍ପକୁ ମିଳିଲା ଆର୍ଥିକ ଅନୁମୋଦନ । ଅର୍ଥ ମନ୍ତ୍ରାଳୟର ଆପ୍ରାଇଜାଲ କମିଟି ଓଡ଼ିଶାର ଉପକୂଳ ରାଜପଥ ପ୍ରକଳ୍ପର ପ୍ରଥମ ପର୍ଯ୍ୟାୟକୁ ଅନୁମୋଦନ କରିଛି । ଏହି ଅନୁମୋଦନରେ ରାମେଶ୍ୱରରୁ ପାରାଦୀପ ପର୍ଯ୍ୟନ୍ତ ରାସ୍ତାର ଅଲାଇନମେଣ୍ଟ ଅନ୍ତର୍ଭୁକ୍ତ । ଯାହାର ପ୍ରକଳ୍ପ ବାବଦ ଖର୍ଚ୍ଚ ୮ ହଜାର ୩୦୦ କୋଟି ଟଙ୍କା । ଏହାକୁ ମଞ୍ଜୁର କରାଯାଇଛି । ଏହି ପାଣ୍ଠି ପ୍ରକଳ୍ପର ପ୍ରଥମ ପ୍ୟାକେଜ୍ ପାଇଁ ଉଦ୍ଦିଷ୍ଟ ।
ବର୍ତ୍ତମାନ ଏହି ପ୍ରସ୍ତାବ କ୍ୟାବିନେଟ୍ କମିଟି ଅନ୍ ଇକୋନୋମିକ୍ ଆଫେୟାର୍ସ (CCEA) ର ଅନୁମୋଦନ ଅପେକ୍ଷାରେ । CCEA ଅନୁମତି ପରେ, ନ୍ୟାସନାଲ୍ ହାଇୱେ ଅଥରିଟି ଅଫ୍ ଇଣ୍ଡିଆ (NHAI) ଟେଣ୍ଡର ଏବଂ କାର୍ଯ୍ୟ ଆରମ୍ଭ କରିବା ସମ୍ଭାବନା ଅଛି ।ରାମେଶ୍ବର ଠାରୁ କୋଣାର୍କ ପର୍ଯ୍ୟନ୍ତ ୪ ଲେନ୍ ରାସ୍ତା ଏବଂ କୋଣାର୍କ ଠାରୁ ପାରାଦୀପ ପର୍ଯ୍ୟନ୍ତ ଡବଲ ଲେନ ରାସ୍ତା ହେବ । ପ୍ରକଳ୍ପ ପାଇଁ ୬୦ ରୁ ୭୦ ପ୍ରତିଶତ ଜମି ଅଧିଗ୍ରହଣ ସରିଛି । ଉପକୂଳ ରାଜପଥ ପ୍ରକଳ୍ପ ଅନେକ ବର୍ଷ ଧରି ବିଚାରାଧୀନ ଥିଲା ।ଏହାର ଉଦ୍ଦେଶ୍ୟ ହେଉଛି ଓଡ଼ିଶା ଉପକୂଳରେ ଯୋଗାଯୋଗକୁ ଉନ୍ନତ କରିବା ।
