ନୀଳଗିରି : ଏକ ଆଶ୍ଚର୍ଯ୍ୟଜନକ ଘଟଣାରେ, ଶୁକ୍ରବାର ଦିନ ଓଡ଼ିଶାର ବାଲେଶ୍ୱର ଜିଲ୍ଲାରେ ମାଛ ଧରିବାକୁ ନେଇ ଜଣେ ଯୁବକଙ୍କୁ ପିଟି ପିଟି ହତ୍ୟା କରାଯାଇଥିବା ଅଭିଯୋଗ ହୋଇଛି । ଏହି ଘଟଣା ନୀଳଗିରି ଥାନା ସୀମା ଅନ୍ତର୍ଗତ ମହିଷାପଟ୍ଟା ପଞ୍ଚାୟତର ସଠିଲୋବାଲାବାଲିଆ ଗାଁରେ ଘଟିଛି । ମୃତକଙ୍କ ନାମ ସଠିଲୋବାଲିଆର ଗଜେନ୍ଦ୍ର ଗିରି ।
ରିପୋର୍ଟ ଅନୁଯାୟୀ, ଗଜେନ୍ଦ୍ର ଗିରି ମାଛ ଧରିବାକୁ ପୋଖରୀକୁ ଯାଇଥିଲେ କିନ୍ତୁ ଦୀର୍ଘ ସମୟ ଧରି ଘରକୁ ଫେରି ନଥିଲେ । ତେଣୁ ପରିବାର ସଦସ୍ୟ ତାଙ୍କୁ ଖୋଜାଖୋଜି ଆରମ୍ଭ କରିଥିଲେ ଏବଂ ପରେ ତାଙ୍କୁ ଧାନ କ୍ଷେତରେ ରକ୍ତ ଜୁଡୁବୁଡୁ ଅବସ୍ଥାରେ ପାଇଥିଲେ।
ପରିବାର ସଦସ୍ୟମାନେ ତାଙ୍କୁ ଉଦ୍ଧାର କରି ଚିକିତ୍ସା ପାଇଁ ନୀଳଗିରି ଉପଖଣ୍ଡ ଡାକ୍ତରଖାନାକୁ ପଠାଇଥିଲେ । କିନ୍ତୁ, ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ସମ୍ପର୍କରେ, ମୃତକଙ୍କ ପରିବାର ସଦସ୍ୟ ନୀଳଗିରି ଥାନାରେ ଅଭିଯୋଗ କରିଛନ୍ତି । ନୀଳଗିରି ପୋଲିସ ଘଟଣାର ତଦନ୍ତ ଆରମ୍ଭ କରିଛି।
