ନରସିଂହପୁର/ଝାରସୁଗୁଡ଼ା : ମା’ ଭଟ୍ଟାରିକାଙ୍କ ପୀଠର ବେଢା ଛୁଇଁଲା ବନ୍ୟାଜଳ । କଟକ ଜିଲ୍ଲା ବଡ଼ମ୍ବା ପ୍ରସିଦ୍ଧ ମା’ ଭଟ୍ଟାରିକା ପୀଠରେ ପହଂଚିଛି ବନ୍ୟା ପାଣି । ଆଉ ୭ରୁ ୮ଫୁଟ୍ ବନ୍ୟା ଜଳ ବଢ଼ିଲେ ମାଆ ମନ୍ଦିର ଛୁଇଁବ । ଏନେଇ ଭଟ୍ଟାରିକାଙ୍କ ପୂଜକ ସମାଜ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ମନ୍ଦିରରେ ପାଣି ପଶିଲେ ଅସ୍ଥାୟୀ ପୂଜା ମଣ୍ଡପକୁ ମାଙ୍କୁ ସ୍ଥାନାନ୍ତର କରାଯିବ।
ସେହିପରି ଲଗାଣ ବର୍ଷାରେ ଉଛୁଳିଲା ଜଳ ପ୍ରପାତ । ଝାରସୁଗୁଡା ଜିଲ୍ଲା ଲଖନପୁର ବ୍ଲକ ସ୍ଥିତ କୋଇଲିଘୁଘର ଜଳପ୍ରପାତ ଉଛୁଳିଛି । ଫଳରେ ନିକଟରେ ଥିବା ଶିବ ମନ୍ଦିର ଭିତରେ ବର୍ଷା ପାଣି ପ୍ରବାହିତ ହେଉଛି l ବର୍ଷା ପାଣି ଦେଖି ଭୟଭୀତ ସ୍ଥାନୀୟ ଲୋକ । କୋଇଲିଘୁଘର ଜଳପ୍ରପାତ ଦେଇ ବର୍ଷା ପାଣି ଅହିଡା ନାଳା ଦେଇ ହୀରାକୁଦ ରିଜର୍ଭରକୁ ପ୍ରବେଶ କରେ । ଲଗାତର ବର୍ଷା ହେବା ସହ ଯଦି ଜଳ ପ୍ରପାତ ଉଛୁଳେ ତେବେ ଅହିଡା ନାଳା ନିକଟରେ ଥିବା ଗାଁ ଗୁଡିକର ଚାଷଜମି ପ୍ରଭାବିତ ହେବାର ଆଶଙ୍କା ରହିଛି।
