ପୁରୀ : ଆଜି ମହାପ୍ରଭୁ ଶ୍ରୀଜଗନ୍ନାଥଙ୍କ ବିଶ୍ୱ ପ୍ରସିଦ୍ଧ ରଥଯାତ୍ରା । ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ଶ୍ରୀଗୁଣ୍ଡିଚା ଯାତ୍ରା ପାଇଁ ମହାପ୍ରଭୁଙ୍କ ନୀତିକାନ୍ତିଆରମ୍ଭ ହୋଇଛି। ଲୀଳାମୟ ପୁରୁଷ ଶ୍ରୀଜଗନ୍ନାଥଙ୍କ ଏହି ଗୁଣ୍ଡିଚା ଯାତ୍ରା ଦେଖିବା ପାଇଁ ଆଜି ଲୋକାରଣ୍ୟ ହୋଇ ଉଠିଛି ବଡ଼ଦାଣ୍ଡ । ଭକ୍ତଙ୍କ ଗୁହାରି, ଆନନ୍ଦର ଅଶ୍ରୁରେ ଆଜି ଏକ ବିଚିତ୍ର ଶୋଭା ଧାରଣ କରିଛି ବଡ଼ଦାଣ୍ଡ । ଆଷାଢ଼ ଶୁକ୍ଳ ଦ୍ୱିତୀୟା ତିଥି ଦିନ ପାଳିତ ହେଉଥିବା ମହାପ୍ରଭୁଙ୍କର ଏହି ଯାତ୍ରା ୯ଦିନ ପାଇଁ ହୋଇଥାଏ । ଏହି ଯାତ୍ରା ଘୋଷ ଯାତ୍ରା, ପତିତପାବନ ଯାତ୍ରା, ଉତ୍ତରାଭିମୁଖୀ ଯାତ୍ରା, ନବଦିନାତ୍ମିକା ଯାତ୍ରା, ଦଶାବତାର ଯାତ୍ରା, ଗୁଣ୍ଡିଚା ମହୋତ୍ସବ ଓ ଆଡ଼ପ ଯାତ୍ରା ନାମରେ ବିଭିନ୍ନ ଶାସ୍ତ୍ର, ପୁରାଣ ଓ ଲୋକ କଥାରେ ବର୍ଣ୍ଣିତ ।
ସେହିପରି ମହାପ୍ରଭୁଙ୍କ ରଥଯାତ୍ରା ନୀତିକାନ୍ତି ଆରମ୍ଭ ହୋଇଛି
ସକାଳ ୬ଟା: ମଳଙ୍ଗ ଆଳତି
୬ଟା ୧୦ରୁ ୬ଟା ୩୦: ମଇଲମ ଓ ତଡ଼ପଲାଗି
୬ଟା ୩୦: ରୋଷହୋମ
ସକାଳ ୭ଟା: ଅବକାଶ
୭ଟା ୧୦: ସୂର୍ଯ୍ୟପୂଜା
୭ଟା ୩୦: ଦ୍ବାରପାଳ ପୂଜା
୭ଟା ୩୦: ବେଶ ଶେଷ
୮ଟାରୁ ୯ଟା: ଗୋପାଳବଲ୍ଲଭ ଓ ସକାଳ ଧୂପ (ଖେଚୁଡ଼ି ଭୋଗ)
ପୂର୍ବାହ୍ଣ ୯ଟା: ରଥ ପ୍ରତିଷ୍ଠା
୯ଟା ୧୫: ମଙ୍ଗଳାର୍ପଣ
୯ଟା ୩୦: ପହଣ୍ଡି ଆରମ୍ଭ
୧୨ଟା ୩୦: ପହଣ୍ଡି ଶେଷ
୧୨ଟା ୩୦ରୁ ୧ଟା: ମଦନମୋହନ ବିଜେ
୧ଟା ୩୦ରୁ ୨ଟା: ଚିତାଲାଗି
୧ଟା ୩୦ରୁ ୨ଟା ୩୦: ବେଶ ଶେଷ
ଅପରାହ୍ଣ ୨ଟାରୁ ୩ଟା: ଛେରାପହଁରା
୩ଟାରୁ ୪ଟା: ଚାରଫିଟା ଓ ଘୋଡ଼ା ସାରଥୀ ଲାଗିବା
ଅପରାହ୍ଣ ୪ଟାରୁ ରଥ ଟଣା ଆରମ୍ଭ
