ରାଜସ୍ଥାନ : ସକାଳୁ ସକାଳୁ ରାଜସ୍ଥାନ ସିକର ଜିଲ୍ଲାରେ ଭୂକମ୍ପ ଝଟକା ଅନୁଭୂତ ହୋଇଛି । ଭୂକମ୍ପ ଝଟକା ଯୋଗୁଁ ଲୋକେ ଭୟଭୀତ ହୋଇଯାଇଥିଲେ । ଘରୁ ବାହାରି ଦୌଡିଥିଲେ ଲୋକ । ଏନଏସସି ମୁତାବକ, ଭୂକମ୍ପ ଝଟକା ଆଜି ସକାଳ ୬.୩୨ ମିନିଟରେ ହୋଇଥିଲା । ଏହାର ତୀବ୍ରତା ୩.୫ ରିକ୍ଟର ରହିଥିଲା । ସ୍ଥାନୀୟ ଲୋକଙ୍କ ଅନୁସାରେ ରାନୌଲ ଏବଂ ଆଖପାଖରେ ଭୂକମ୍ପ ଝଟକା ଅନୁଭୂତ ହୋଇଥିଲା ।
ସେପଟେ ଇରାନରେ ଯୁଦ୍ଧ ଚାଲିଥିବା ବେଳେ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି । ଆଜି ସକାଳ ପ୍ରାୟ ୮ଟା ୪୮ ମିନିଟରେ ଇରାନର ବନ୍ଦର ଆବାସ ନିକଟରେ ଭୂକମ୍ପ ଅନୁଭୂତ ହୋଇଥିବା ସୂଚନା ମିଳିଛି । ଯାହାର ତୀବ୍ରତା ୪.୧ ରେକର୍ଡ କରାଯାଇଛି । ଫଳରେ ଭୟରେ ଲୋକେ ଘର ବାହାରକୁ ଦୌଡି ଆସିଥିଲେ ।
