ଭୁବନେଶ୍ଵର : ହାଣ୍ଡିଭାଙ୍ଗା ଯାତ୍ରାକୁ କେନ୍ଦ୍ର କରି ମହାପ୍ରଭୁ ଲିଙ୍ଗରାଜଙ୍କ ନୀତି ବନ୍ଦ ରହିଛି । ଆଜି ବୀରକିଶୋର ବଲ୍ଲବ ଭୋଗଠାରୁ ଲିଙ୍ଗରାଜ ନୀତି ବନ୍ଦ ରହିଛି । ଖୁଣ୍ଟିଆ ମଲ୍ଲିଆ ବିବାଦ ନ ତୁଟିବାରୁ ହାଣ୍ଡିଭାଙ୍ଗା ଯାତ ବନ୍ଦ ରହିଛି । ଗତ ୧୧ ବର୍ଷ ହେଲା ହାଣ୍ଡିଭଙ୍ଗା ଜାତ ବନ୍ଦ ରହିଛି । ଶିବରାତ୍ରି ଅମାବାସ୍ୟା ପରେ ପ୍ରଥମ ଶନିବାର ହାଣ୍ଡିଭଙ୍ଗା ଯାତ୍ରା ହୁଏ । ପ୍ରଶାସନିକ ଅବହେଳା ପାଇଁ ଏପରି ହେଉଥିବା ଅଭିଯୋଗ ହୋଇଛି। କପିଲନାଥ ମନ୍ଦିରକୁ ଯାଇଥାନ୍ତି ପ୍ରଭୁ ଲିଙ୍ଗରାଜ ।
ସୂଚନା ଅନୁସାରେ ମହାଶିବରାତ୍ରି ଦିନ ମହାଦୀପ ନେଇ ମନ୍ଦିର ଉପରକୁ ଉଠିବା ବେଳେ ଖସି ପଡ଼ିଥିଲେ ସେବାୟତ ଯୋଗେନ୍ଦ୍ର ସମର୍ଥା । ସେ ଲୁହା ଶିକୁଳି ଧରି ଉପରକୁ ଉଠିବା ବେଳେ ପ୍ରାୟ ୧୦ ଫୁଟ ଉପରୁ ମହାଦୀପ ସହ ତଳକୁ ଖସି ପଡ଼ିଥିଲେ । ତାଙ୍କ ମୁଣ୍ଡ, ମୁହଁ ଓ ଅଣ୍ଟାରେ ଗୁରୁତର ଆଘାତ ଲାଗିଥିଲା । ସେହିଭଳି ମହାଦୀପରୁ ତେଲ ଓ ନିଆଁ ଝୁଲ ପଡ଼ି ଆଉ କିଛି ସେବାୟତଙ୍କ ଗୋଡ଼ହାତରେ ଫୋଟକା ହୋଇଯାଇଥିଲା।ମନ୍ଦିର ଭିତରେ ଓ ବାହାରେ ପ୍ରବଳ ଭିଡ଼ ଥିବାରୁ ଆମ୍ବୁଲାନ୍ସରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା ।
