ପୁରୀ : ଶ୍ରୀ ମନ୍ଦିରରେ ମହାପ୍ରଭୁଙ୍କ ଦର୍ଶନ କରିବା ସହ ସୁରକ୍ଷା ବ୍ୟବସ୍ଥା ସମୀକ୍ଷା କଲେ କେନ୍ଦ୍ରାଞ୍ଚଳ ଡିଆଇଜି ଡ଼ଃ ସତ୍ୟଜିତ ନାୟକ l ନୂତନ ଭାବେ ଦାୟିତ୍ୱ ନେବାପାରେ ଶ୍ରୀ ମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରି ଆଶିଷ ଲାଭ କରିଥିଲେ l ଏଥିସହ ଶ୍ରୀ ମନ୍ଦିର ଭିତର ଏବଂ ବାହାର ସୁରକ୍ଷା ବ୍ୟବସ୍ଥାକୁ ସମୀକ୍ଷା କରିଥିଲେ l
ନୂତନ କେନ୍ଦ୍ରାଞ୍ଚଳ ଡି ଆଇଜିଙ୍କୁ ଶ୍ରୀ ମନ୍ଦିର ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ ସ୍ୱାଗତ କରାଯାଇଛି l ମହାପ୍ରଭୁଙ୍କ ଆଶ୍ରିବାଦରୁ ସେବା କରିବାର ସୁଯୋଗ ମିଳିଛି ମହାପ୍ରଭୁଙ୍କ ନିକଟରେ ମୁଁ ଚିର ଉପକୃତ ରହିବି l ଶ୍ରୀ ମନ୍ଦିର ସୁରକ୍ଷା ନେଇ ବୁଦ୍ଧିଜୀଵୀ , ସହରବାସୀ, ସେବାୟତ ଓ ପରିଚାଳନା କମିଟି ସହ ଆଲୋଚନା କରାଯାଇଛି l ସୁରକ୍ଷା ବ୍ୟବସ୍ଥାକୁ କଡାକଡି କରାଯିବ ବୋଲି ସେ କହିଥିଲେ l
ଶ୍ରୀ ମନ୍ଦିରକୁ ଆସୁଥିବା ଭକ୍ତ ଓ ଶ୍ରୀ ମନ୍ଦିର ସୁରକ୍ଷା ପୋଲିସ ପ୍ରଶାସନ ଲାଗି ବଡ଼ ଚ୍ୟାଲେଞ୍ଜ l ଶ୍ରୀ ମନ୍ଦିର ଭିତର କ୍ୟାମେରା ବ୍ୟବହାର ଉପରେ କଡାକଡି କରାଯିବ ସୁରକ୍ଷା ବ୍ୟବସ୍ଥା l ସହର କ୍ରାଇମ କଣ୍ଟ୍ରୋଲ ଲାଗି ପୋଲିସ ପକ୍ଷରୁ ସ୍ୱତନ୍ତ୍ର ପଦକ୍ଷେପ ନିଆଯିବ ବୋଲି କହିଛନ୍ତି ନୂତନ କେନ୍ଦ୍ରାଞ୍ଚଳ ଡି ଆଇଜି ସତ୍ୟଜିତ ନାୟକ l କେନ୍ଦ୍ରାଞ୍ଚଳ ଡିଆଇଜି ଡ଼ଃ ସତ୍ୟଜିତ ନାୟକଙ୍କ ସହ ଏସପି ପ୍ରତୀକ ସିଂ ରହି ସୁରକ୍ଷା ବ୍ୟବସ୍ଥାର ସମୀକ୍ଷା କରିଥିଲେ l
