ମୁମ୍ବାଇ: ମୁମ୍ବାଇର ବାନ୍ଦ୍ରାସ୍ଥିିତ ଲୀଲାବତୀ ହସ୍ପିଟାଲରେ ଏବେ ଚିକିତ୍ସାଧୀନ ଅବସ୍ଥାରେ ଅଛନ୍ତି ଆକ୍ରମଣର ଶିକାର ହୋଇଥିବା ବଲିଉଡ୍ ଅଭିନେତା ସୈଫ୍ ଅଲୀ ଖାନ୍। ତେବେ ତାଙ୍କୁ ଭେଟିବାକୁ ରବିବାର ହସ୍ପିଟାଲ୍ରେ ପହଞ୍ଚିଥିଲେ ମଲାଇକା ଅରୋରା ଓ ତାଙ୍କ ପୂର୍ବତନ ପ୍ରେମିକ ଅର୍ଜୁନ କପୁର୍।ପାପାରାଜିମାନେ ସେମାନଙ୍କୁ ଏକାଠି ହସ୍ପିଟାଲରୁ ବାହାରକୁ ବାହାରୁ ଥିବାର ଦେଖି ଘେରି ଯାଇଥିଲେ। ସେ ଦୁହିଁଙ୍କ ଭିଡିଓ ନେବା ପରେ ଏହି ଭିଡିଓଟି ଏବେ ସୋସିଆଲ ମିଡିଆରେ ବ୍ୟାପକ ଭାବରେ ପ୍ରସାରିତ ହେଉଛି। ଭିଡିଓରେ ମଲାଇକା ହସ୍ପିଟାଲରୁ ବାହାରି ତାଙ୍କ କାରରେ ଯାଉଥିବାର ଦେଖାଯାଉଛି। ତାଙ୍କ ପଛେ ପଛେ ଯାଉଛନ୍ତି ଅର୍ଜୁନ କପୁର୍।
ଯଦି ଆପଣ ଜାଣି ନାହାଁନ୍ତି, ତେବେ ମଲାଇକା ଅରୋରା ଦୁଇ ଭଉଣୀ କରିସ୍ମା କପୁର ଓ କରୀନା କପୁର୍ଙ୍କର ଖୁବ୍ ଭଲ ବନ୍ଧୁ। ଅର୍ଜୁନ ମଧ୍ୟ ସୈଫ ଏବଂ କରିନାଙ୍କର ଘନିଷ୍ଠ ବନ୍ଧୁ।
ମଲାଇକା ଆରୋରା ଏବଂ ଅର୍ଜୁନ କପୁର ୨୦୧୮ ମସିହାରେ ଡେଟିଂ କରିବା ଆରମ୍ଭ କରିଥିଲେ। ଅରବାଜ ଖାନଙ୍କଠାରୁ ମଲାଇକାଙ୍କ ଛାଡପତ୍ରର ଗୋଟିଏ ବର୍ଷ ପରେ ସେମାନେ ବଲିଉଡର ସବୁଠାରୁ ଚର୍ଚ୍ଚିତ ଯୋଡ଼ି ପାଲଟିଥିଲେ। ୨୦୨୪ ମସିହାରେ ମଲାଇକା ତାଙ୍କ ପିତାଙ୍କୁ ହରାଇବା ପୂର୍ବରୁ ସେମାନଙ୍କ ସମ୍ପର୍କ ଶେଷ ହୋଇଯାଇଥିଲା। ସେମାନଙ୍କ ବ୍ରେକଅପ୍ ସତ୍ତ୍ୱେ, ଅର୍ଜୁନ ତାଙ୍କ ସହିତ ଠିଆ ହୋଇଥିଲେ ଏବଂ ଏହି କଠିନ ସମୟରେ ତାଙ୍କର ସମର୍ଥନ ପ୍ରଦାନ କରିଥିଲେ।
