ହାଇଦ୍ରାବାଦ : ହାଇଦ୍ରାବାଦରୁ ବିଜୟଓ୍ବାଡା ଯାଉଥିବା ଏକ ଘରୋଇ ବସରେ ଭୟଙ୍କର ନିଆଁ । ଆନ୍ଧ୍ରପ୍ରଦେଶ ଏନଟିଆର ଜିଲ୍ଲାର କାଞ୍ଚିକଚେରଲା ପୋଲିସ ଷ୍ଟେସନ ନିକଟ ନନ୍ଦୀଗାମା ନିକଟରେ କୀସାରା ଟୋଲ ନିକଟରେ ବସରେ ନିଆଁ ଲାଗିଯାଇଥିଲା । ଫଳରେ ୩୯ ଯାତ୍ରୀ ଜୀବନ ଅଳ୍ପକେ ବର୍ତ୍ତିଯାଇଛି ।ଖବର ମୁତାବକ, ଆନ୍ଧ୍ରପ୍ରଦେଶ ଏନଟିଆର ଜିଲ୍ଲାର କାଞ୍ଚିକଚେରଲା ପୋଲିସ ଷ୍ଟେସନ ନିକଟ ନନ୍ଦୀଗାମା ନିକଟରେ କୀସାରା ଟୋଲ ନିକଟରେ ବସରେ ନିଆଁ ଲାଗିଯାଇଥିଲା । ଇଂଜିନରୁ ଧୂଆଁ ବାହାରୁଥିବା ଦେଖି ସତର୍କ ହୋଇଯାଇ ବସକୁ ରୋକି ଦେଇଥିଲେ । ନିଆଁ ବ୍ୟାପିବା ପୂର୍ବରୁ ୩୯ ଯାତ୍ରୀ, ଡ୍ରାଇଭର ଏବଂ ଅନ୍ୟ ସମସ୍ତେ ମିଶି ଜିନିଷ ସହିତ ଯାତ୍ରୀମାନଙ୍କୁ ଓହ୍ଲାଇ ଦେଇଥିଲେ । ଏହାପରେ ବସ୍ ଜଳିପୋଡି ପାଉଁଶ ହୋଇଯାଇଥିଲା । ଦମକଳ ଗାଡ଼ି ଏବଂ ପୋଲିସ ନିଆଁକୁ ଆୟତ୍ତ କରିଥିଲେ ।
ତେବେ ଘଟଣାରେ ବସଟି ଜଳିଯାଇଥିବା ବେଳେ ସମସ୍ତ ଯାତ୍ରୀ ସୁରକ୍ଷିତ ରହିଛନ୍ତି । ବସରେ ନିଆଁ କେମିତି ଲାଗିଲା, ତାହା ଏଯାଏଁ ଜଣାପଡିନାହିଁ ।
