ଝାରସୁଗୁଡ଼ା : ୧୦୨ ହୋମଗାର୍ଡ ପଦବୀ ପାଇଁ ୪ହଜାର ପରୀକ୍ଷାର୍ଥୀ । ସୁନ୍ଦରଗଡ଼ ଏବଂ ସମ୍ବଲପୁର ପରେ ଝାରସୁଗୁଡ଼ାରୁ ଆସିଛି ସମାନ ଦୃଶ୍ୟ । ଝାରସୁଗୁଡ଼ା ଜିଲ୍ଲାରେ ୧୦୨ଟି ହୋମଗାର୍ଡ ପଦ ପାଇଁ ଆଜି ଲିଖିତ ପରୀକ୍ଷା । ଆଶାୟୀ ଅଛନ୍ତି ୪ ହଜାର ୪୦ ଜଣ ପ୍ରାର୍ଥୀ । ଏମାନେ ସମସ୍ତେ ପରୀକ୍ଷା ଦେବେ । ଓଏସ୍ଏପି ବାଟାଲିୟନ ପଡିଆରେ ପରୀକ୍ଷା ଆୟୋଜନ କରାଯାଇଛି ।
ପରୀକ୍ଷା ପାଇଁ ଆଶାୟୀଙ୍କ ଗହଳି ଲାଗିଛି । ଲିଖିତ ପରୀକ୍ଷାରୁ ୧ ହଜାର ୧୦ ଜଣ ପ୍ରାର୍ଥୀ ମନୋନୀତ ହୋଇ ପରବର୍ତ୍ତୀ ଶାରୀରିକ ପରୀକ୍ଷାକୁ ଯିବେ । ଭିଡ଼କୁ ଦୃଷ୍ଟିରେ ରଖି ପରୀକ୍ଷା ସ୍ଥଳରେ ପର୍ଯ୍ୟାପ୍ତ ପୋଲିସ ମୁତୟନ କରାଯାଇଛି । ପୂର୍ବରୁ ସମ୍ବଲପୁର ଓ ସୁନ୍ଦରଗଡ଼ରୁ ଆସିଥିଲା ସମାନ ଚିତ୍ର । ଅଳ୍ପ ପୋଷ୍ଟକୁ ହଜାର ହଜାର ସଂଖ୍ୟାରେ ଆଶାୟୀ । ପୁଣି ଆଶାୟୀ ପ୍ରାର୍ଥୀଙ୍କ ଭିତରେ ବି-ଟେକ୍ , ଏମ-ଟେକ୍ ଓ ଏମବିଏ ଡିଗ୍ରୀଧାରୀ ।
