ବାୟୁସେନାର ଏୟାର ଶୋ’ ବେଳେ ଅଘଟଣ, ୩ ମୃତ; ୨୩୦ ଆହତ

ନୂଆଦିଲ୍ଲୀ: ଚେନ୍ନାଇର ମାରିନା ବିଚରେ ଏୟାର ଶୋ’ ଦେଖିବା ପାଇଁ ଯାଇଥିବା ତିନି ଜଣଙ୍କର ମୃତ୍ୟୁ ହୋଇଛି। ଡାକ୍ତରମାନେ କହିଛନ୍ତି ଯେ ସେମାନଙ୍କ ମଧ୍ୟରୁ ଅତି କମରେ ଜଣେ ହିଟ୍ ଷ୍ଟ୍ରୋକରୁ ପ୍ରାଣ ହରାଇଛନ୍ତି। 230 ଜଣକୁ ଡାକ୍ତର ଖାନା ପଠା ଯାଇଛି। ୯୨ ତମ ବାୟୁସେନା ଦିବସ ପାଳନ ଅବସରରେ ଏୟାର ଶୋ’ ଦେଖିବା ପାଇଁ ଲୋକମାନେ ସକାଳ ୧୧ ଟା ପୂର୍ବରୁ ମାରିନା ବେଳାଭୂମିରେ ଏକତ୍ରିତ ହୋଇଥିଲେ। ପ୍ରବଳ ଖରା ହେଉଥିବାରୁ ଅନେକ ଛତାଧରି ଠିଆ ହୋଇଥିବା ବେଳେ ସୂର୍ଯ୍ୟଙ୍କୁ ଆଡେଇ ହୋଇ ଏୟାର ଶୋ’ ଦେଖୁଥିଲେ। ଏହି ଏୟାର ଶୋ’ରେ ସ୍ପେଶାଲ୍ ଗାରୁଡ଼ ଫୋର୍ସ କମାଣ୍ଡୋଙ୍କ ଦ୍ୱାରା ପ୍ରଦର୍ଶନ କରାଯାଇଥିଲା। ଏଥିରେ ରାଫେଲ ସମେତ ୭୨ ଟି ବିମାନ, ଅତ୍ୟାଧୁନିକ ଭାବରେ ନିର୍ମିତ ଅତ୍ୟାଧୁନିକ ଲାଇଟ୍ କମ୍ବାଟ୍ ଏୟାରକ୍ରାଫ୍ଟ ତେଜସ୍, ଲାଇଟ୍ କମ୍ବାଟ୍ ହେଲିକପ୍ଟର ପ୍ରାକାନ୍ ଏବଂ ହେରିଟେଜ୍ ବିମାନ ଡାକୋଟା ମଧ୍ୟ ପ୍ରଦର୍ଶିତ ହୋଇଥିଲା। ୨୦୨୪ ର ବହୁ ପ୍ରତୀକ୍ଷିତ ଏୟାର ଶୋ’ ଦେଖିବା ପାଇଁ ପ୍ରାୟ ୧୫ ଲକ୍ଷ ଲୋକ ସମୁଦ୍ର କୂଳରେ ଏକାଠି ହୋଇଥିଲେ।