ମନ୍ଦିର କଡରେ ଶିଶୁ କନ୍ୟାକୁ ଫିଙ୍ଗି ଚାଲିଗଲା ହୃଦୟହୀନ

ବରଗଡ: ବରଗଡ଼ ଗୋଡଭଗା ଅଞ୍ଚଳରେ ଥିବା ଏକ ଶିବ ମନ୍ଦିର ନିକଟରେ ନବଜାତକ ଶିଶୁକନ୍ୟାକୁ କେହି ଥୋଇଦେଇ ଚାଲି ଯାଇଥିବା ଜଣାପଡ଼ିଛି। ଶିଶୁକନ୍ୟାର ନାକରୁ ଓ ମୁହଁରୁ ରକ୍ତ ବାହାରୁଥିବା ବେଳେ ଚିକିତ୍ସା ପାଇଁ ବୁର୍ଲା ଭୀମସାରରେ ଭର୍ତ୍ତି କରାଯାଇଛି । ମନ୍ଦିକ ପୂଜକ ଓ ସ୍ଥାନୀୟଲୋକେ ନବଜାତକକୁ ଦେଖି ପୁଲିସକୁ ଖବର ଦେଇଥିଲେ । ପୁଲିସ ପହଞ୍ଚି ଶିଶୁକନ୍ୟାକୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲା । ବର୍ତ୍ତମାନ ଶିଶୁଟି ସୁସ୍ଥ ଥିବା ଜଣାପଡ଼ିଛି। ତେବେ କିଏ ଓ କାହିଁକି ଏପରି ଅବସ୍ଥାରେ ଛାଡ଼ି ପଳାଇଲେ ଅସ୍ପଷ୍ଟ ରହିଛି।