ଭାରତ ପରେ ଏବେ ବ୍ରିଟେନରୁ ମଧ୍ୟ ଏକ ଛାତିଥରା ଖବର ଆସିଛି । ୨୮ ବର୍ଷିୟ ନିକୋଲସ ମେଟସନ ନିଜ ପତ୍ନୀକୁ ହତ୍ୟା କରିବା ପରେ ୨୨୪ ଖଣ୍ଡ କରି କାଟିଦେଇଛନ୍ତି । ଏହି ଖଣ୍ଡଗୁଡିକୁ ବ୍ୟାଗରେ ଭର୍ତ୍ତି କରି ନଦୀରେ ଫୋପାଡି ଦେଇଥିଲା । ୨୦୨୩ ମାର୍ଚ୍ଚ ୨୫ ତାରିଖରେ ୨୬ ବର୍ଷିୟା ହୋଲି ବ୍ରେମିଲ ନିଖୋଜ ଥିଲେ । ନିଖୋଜ ହେବାର ୮ ଦିନ ପରେ ତାଙ୍କ ଶବ ବସିଂଧମ, ଲିକନଶାୟର ନିକଟରେ ଥିବା ବିଥମ୍ ନଦୀରୁ ମିଳିଥିଲା । ହେଲେ ବ୍ରେମିଲାଙ୍କ ହତ୍ୟାର ଗୋଟିଏ ବର୍ଷ ପରେ ବିନା କୌଣସି ଚାପରେ ତାଙ୍କ ସ୍ୱାମୀ ନିକୋଲସ ସମସ୍ତ ଦୋଷ ସ୍ୱୀକାର କରିଛନ୍ତି । ଲିଂକନଶାୟର ପୋଲିସର କହିବା ମୁତାବକ ପ୍ରଥମେ ନିକୋଲସ ଏହି ହତ୍ୟା ବାବଦରେ ନିଜର ଦୋଷ ସ୍ୱୀକାର କରି ନଥିଲେ । ହେଲେ ଗୋଟିଏ ବର୍ଷ ପରେ ଅଚାନକ ସେ ଏହି ହତ୍ୟା ବାବଦରେ ସମସ୍ତ କଥା କହିଛନ୍ତି ।
କୋର୍ଟରେ ଶୁଣାଣି ବେଳେ ନିକୋଲସଙ୍କ ମା’ ଓ ଭଉଣୀ କହିଛନ୍ତି କି ନିକୋଲସ ଜଣେ ରାକ୍ଷସ ପ୍ରବୃତିର ଯୁବକ । ଏହାସହ ସେମାନେ କହିଛନ୍ତି କି, ନିକୋଲସ ଜୋର ଜବରଦସ୍ତ ବ୍ରେମିଲଙ୍କୁ ବିବାହ କରିଥିଲେ । ଏହି କାରଣରୁ ବିବାହର ୧୬ ମାସ ପରେ ଉଭୟଙ୍କ ମଧ୍ୟରେ ଛାଡପତ୍ର ହୋଇଯାଇଥିଲା ।
