ଅଜାର କଟା ମୁଣ୍ଡ ଧରି ରାସ୍ତାରେ ବୁଲିଲା ନାତି

ସୁନ୍ଦରଗଡ :  ସୁନ୍ଦରଗଡ଼ ଜିଲ୍ଲାର ବହୁ ଆଦିବାସୀ ଅଧ୍ୟୁଷିତ ଅଞ୍ଚଳ ଏବେ ବି ଅନ୍ଧବିଶ୍ୱାସ ବଳୟରେ ଛନ୍ଦିହୋଇ ରହିଛି । ସୁନ୍ଦରଗଡ଼ ଜିଲ୍ଲା କେ.ବଲାଙ୍ଗ ଥାନା ସୟେମ୍ୱା ପଞ୍ଚାୟତ ପୁରୁଣାପାଣି ଗ୍ରାମରେ ଅନ୍ଧବିଶ୍ୱାସର କରୁଣ ପରିଣତି ଦେଖିବାକୁ ମିଳିଛି । ଗୁଣିଗାରେଡ଼ି ସନ୍ଦେହରେ ନିଜ ସମ୍ପର୍କୀୟ ଅଜାକୁ ଟାଙ୍ଗିଆରେ ହାଣି ହତ୍ୟା କରିବା ପରେ କଟା ମୁଣ୍ଡ ଧରି ନାତି ରାସ୍ତାରେ ବୁଲିବା ଘଟଣା ଏଠାରେ ଆଲୋଡ଼ନ ସୃଷ୍ଟି କରିଛି । ମୃତକ ହେଲେ ପୁରୁଣାପାଣି ଗ୍ରାମର ନମନ ମୁଣ୍ଡା (୬୫) । ଗ୍ରାମବାସୀ ଅଭିଯୁକ୍ତ ନାତି ସାଇମନ ମୁଣ୍ଡାକୁ କଟାମୁଣ୍ଡ ସହ କାବୁ କରି ପୁଲିସକୁ ହସ୍ତାନ୍ତର କରିଛନ୍ତି । ଥାନା ଅଧିକାରୀ ସ୍ମୃତିରଞ୍ଜନ ନାୟକ ସାଇମନଙ୍କୁ ଅଟକ ରଖି ତଦନ୍ତ ଚଳାଇଛନ୍ତି । ପୁଲିସ ମୃତଦେହ ଜବଦ କରି ବ୍ୟବଚ୍ଛେଦ ପାଇଁ ଲହୁଣୀପଡ଼ା ସ୍ୱାସ୍ଥ୍ୟକେନ୍ଦ୍ର ପଠାଇଛି ।