Tuesday, May 21, 2024
38.6 C
Odisha

    ଇଣ୍ଟରନେଟ ବ୍ୟବହାରରେ ଶିକ୍ଷିତମାନେ ପଛୁଆ, ରିପୋର୍ଟରୁ ଆଶ୍ଚର୍ଯ୍ୟଜନକ ତଥ୍ୟ ପ୍ରକାଶ

    ଆଗକୁ ପଢନ୍ତୁ

    ନୂଆଦିଲ୍ଲୀ: ଯେତେବେଳେ ଇଣ୍ଟରନେଟ୍ ବ୍ୟବହାର କଥା ଆସେ, ବିଶ୍ବାସ କରାଯାଏ ଏକ୍ଷେତ୍ରରେ ସହରାଞ୍ଚଳଗୁଡିକ ଆଗରେ ଥି‌ବେ। କିନ୍ତୁ ଏହା ସତ୍ୟ ନୁହେଁ। ବାସ୍ତବରେ, ଏକ ସାଧାରଣ ବିଶ୍ୱାସ ଅଛି ସହରାଞ୍ଚଚଳର ଲୋକମାନେ ଅଧିକ ଶିକ୍ଷିତ ଏବଂ ସେମାନଙ୍କ ପାଖରେ ଅଧିକ ଧନୀ। ଯାହା ମଧ୍ୟ କେତେକାଂଶରେ ସତ୍ୟ । କିନ୍ତୁ ଇଣ୍ଟରନେଟ୍ ବ୍ୟବହାର ଦୃଷ୍ଟିରୁ ଭାରତର ଗ୍ରାମାଞ୍ଚଳରେ ବାସ କରୁଥିବା ଲୋକ ସହରାଞ୍ଚଳ ଲୋକଙ୍କୁ ଟକ୍କର ଦେଉଛନ୍ତି। ସେମାନେ ସହରାଞ୍ଚଳ ଲୋକଙ୍କୁ ପଛରେ ପକାଇ ଆଗେଇ ଯାଇଛନ୍ତି। ଏହା ବ୍ୟତୀତ ଭାରତର ଜନସଂଖ୍ୟାର ଅଧା ଅର୍ଥାତ୍ ମହିଳାମାନେ ମଧ୍ୟ ଇଣ୍ଟରନେଟ୍ ଦୁନିଆରେ ଆଗୁଆ ରହିଛନ୍ତି। ଇଣ୍ଟରନେଟ୍ ବ୍ୟବହାରରେ ମହିଳାମାନେ ପୁରୁଷଙ୍କ ପଛରେ ନାହାନ୍ତି। ଇଣ୍ଟରନେଟ୍ ଏବଂ ମୋବାଇଲ୍ ଆସୋସିଏସନ୍ ଅଫ୍ ଇଣ୍ଡିଆର ୨୦୨୩ ରିପୋର୍ଟ ଅନୁଯାୟୀ, ୨୦୧୯ ପର୍ଯ୍ୟନ୍ତ ସହରୀ ଲୋକମାନେ ଇଣ୍ଟରନେଟ୍ ବ୍ୟବହାରରେ ଆଗରେ ଥିଲେ। ତେବେ ୪ ବର୍ଷ ମଧ୍ୟରେ ପରିସ୍ଥିତି ବଦଳିଛି। ୨୦୨୩ ସୁଦ୍ଧା ଗ୍ରାମୀଣ ଇଣ୍ଟରନେଟ୍ ବ୍ୟବହାରକାରୀଙ୍କ ସଂଖ୍ୟା ୪୪୨ ନିୟୁତ ହୋଇଥିବାବେଳେ ସହରାଞ୍ଚଳ ବ୍ୟବହାରକାରୀ ୩୭୮ ନିୟୁତ ଅଟନ୍ତି।
    ବର୍ତ୍ତମାନ ଭାରତରେ ୮୨୦ ନିୟୁତ ଇଣ୍ଟରନେଟ୍ ୟୁଜର ଅଛନ୍ତି। ସେଥିମଧ୍ୟରୁ ପ୍ରାୟ ୫୨ ପ୍ରତିଶତ ଗ୍ରାମୀଣ ବ୍ୟବହାରକାରୀ ଅଟନ୍ତି। ଏହି ତାଲିକାରେ ବଡ ସହରଗୁଡିକର ୧୦ ପ୍ରତିଶତ ଲୋକ ଭାରତର ଶ୍ରେଷ୍ଠ ୯ ସହର ଅଛନ୍ତି। ୨୩ ପ୍ରତିଶତ ଛୋଟ ମେଟ୍ରୋ ସହରର ଲୋକ ଅଛନ୍ତି। ଯାହାର ଜନସଂଖ୍ୟା ୧୦ ଲକ୍ଷରୁ ଅଧିକ। ଛୋଟ ମେଟ୍ରୋ ସହରଗୁଡିକର ମୋଟ ଅଂଶ ୯ ପ୍ରତିଶତ ରହିଛି। ମହିଳା ଏବଂ ପୁରୁଷଙ୍କ ମଧ୍ୟରେ ଇଣ୍ଟରନେଟ୍ ବ୍ୟବହାର ବିଷୟରେ କହିବାକୁ ଗଲେ, ଭାରତର ମୋଟ ଇଣ୍ଟରନେଟ୍ ବ୍ୟବହାରକାରୀଙ୍କ ମଧ୍ୟରୁ ୫୪ ପ୍ରତିଶତ ପୁରୁଷ ହୋଇଥିବାବେଳେ ୪୬ ପ୍ରତିଶତ ମହିଳା ଅଟନ୍ତି।

    ଭାରତରେ ଲୋକମାନେ ଇଣ୍ଟରନେଟରେ ପ୍ରତିଦିନ ପ୍ରାୟ ୯୮ ମିନିଟ୍ ଅବା ପ୍ରାୟ ୨ ଘଣ୍ଟା ବିତାନ୍ତି। ଯେତେବେଳେ କି ସହରଗୁଡ଼ିକରେ ଲୋକମାନେ ଇଣ୍ଟରନେଟରେ ୧୦୧ ମିନିଟ୍ ବିତାଇଥାନ୍ତି । ଗ୍ରାମୀଣ ଭାରତ ବିଷୟରେ କହିବାକୁ ଗଲେ, ସେଠାରେ ଥିବା ଲୋକମାନେ ପ୍ରତିଦିନ ପ୍ରାୟ ୯୪ ମିନିଟ୍ ଇଣ୍ଟରନେଟ୍ ବ୍ୟବହାର କରନ୍ତି।

    ପ୍ରଶ୍ନ ଉଠେ ଯେ ଭାରତୀୟମାନେ ଇଣ୍ଟରନେଟରେ କ’ଣ ଦେଖନ୍ତି? ଭାରତରେ ଓଟିଟ ଭିଡିଓ ଏବଂ ଅଡିଓ ଇଣ୍ଟରନେଟ୍ ମାଧ୍ୟମରେ ଅଧିକ ଦେଖାଯାଇଥାଏ। ଭାରତର ପାଞ୍ଚ ଜଣ ଇଣ୍ଟରନେଟ୍ ବ୍ୟବହାରକାରୀଙ୍କ ମଧ୍ୟରୁ କେବଳ ଜଣେ ଭିଡିଓ ଦେଖନ୍ତି। ସହରଗୁଡିକରେ, ୪ରୁ ୧ ୟୁଜର ଅନଲାଇନ୍ ସପିଂ କରନ୍ତି। ମ୍ୟୁଜିକ୍ ଷ୍ଟ୍ରିମିଂ କ୍ଷେତ୍ରରେ କ୍ରମାଗତ ଅଭିବୃଦ୍ଧି ରେକର୍ଡ କରାଯାଇଛି।

    ଅନ୍ୟାନ୍ୟ ଖବର

    ପାଣିପାଗ

    Odisha
    clear sky
    38.6 ° C
    38.6 °
    38.6 °
    29 %
    3.3kmh
    0 %
    Tue
    33 °
    Wed
    41 °
    Thu
    41 °
    Fri
    40 °
    Sat
    42 °

    ସମ୍ବନ୍ଧିତ