ଅଯୋଧ୍ୟା: ଅଯୋଧ୍ୟାରେ ରାମ ମନ୍ଦିର ପରିସର ନିର୍ମାଣ ଚଳିତ ବର୍ଷ ଡିସେମ୍ବର ସୁଦ୍ଧା ଶେଷ ହେବ ବୋଲି ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ପକ୍ଷରୁ ଟ୍ରଷ୍ଟ ଗୁରୁବାର କୁହାଯାଇଛି। ତିନି ମହଲା ବିଶିଷ୍ଟ ମନ୍ଦିର କୋଠାର ଅବଶିଷ୍ଟ ଦୁଇ ମହଲା ନିର୍ମାଣ କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ବର୍ତ୍ତମାନ ପ୍ରାୟ ୧୫୦୦ ଶ୍ରମିକ ନିୟୋଜିତ ହୋଇଛନ୍ତି ଏବଂ ୩୫୦୦ରୁ ଅଧିକ ଅତିରିକ୍ତ ଶ୍ରମିକ ଙ୍କୁ ନିୟୋଜିତ କରାଯିବ ବୋଲି ମନ୍ଦିର ଟ୍ରଷ୍ଟର ସଦସ୍ୟ ଅନିଲ ମିଶ୍ର କହିଛନ୍ତି। ଗତବର୍ଷ ଡିସେମ୍ବର ମାସରେ ଏହି ମନ୍ଦିରର ତଳ ମହଲା ନିର୍ମାଣ କରାଯାଇଥିଲା। ଜାନୁଆରି ୨୨ ତାରିଖରେ ରାମଲଲାଙ୍କ ମୂର୍ତ୍ତିର ପ୍ରାଣ ପ୍ରତିଷ୍ଠା ହେବା ପରଠାରୁ ପ୍ରାୟ ୭୫ ଲକ୍ଷ ଶ୍ରଦ୍ଧାଳୁ ମନ୍ଦିରକୁ ଆସିଛନ୍ତି।
ଅନୀଲ ମିଶ୍ର କହିଛନ୍ତି ଯେ ନିକଟରେ ମନ୍ଦିର ନିର୍ମାଣ କମିଟିର ଏକ ବୈଠକ ଅନୁଷ୍ଠିତ ହୋଇଥିଲା। ଚଳିତ ବର୍ଷ ଶେଷ ସୁଦ୍ଧା ରାମ ଜନ୍ମଭୂମି ପରିସରର ସମସ୍ତ ନିର୍ମାଣ କାର୍ଯ୍ୟ ଶେଷ କରିବାକୁ ନିଷ୍ପତ୍ତି ନିଆଯାଇଥିଲା। ସେ କହିଛନ୍ତି ଯେ ମନ୍ଦିରର ତଳ ମହଲାରେ ଗର୍ଭଗୃହ ରହିଛି ଏବଂ ପ୍ରଥମ ମହଲାରେ ଭଗବାନ ରାମଙ୍କ ଦରବାର ନିର୍ମାଣ କରାଯିବ କାରଣ ଭକ୍ତମାନେ ରାମଲଲାଙ୍କ ଦର୍ଶନ କରିବା ପରେ ଭଗବାନ ରାମଙ୍କ ଦରବାର ଦର୍ଶନ କରିପାରିବେ । ଭବ୍ୟ ମନ୍ଦିରର ମୁଖ୍ୟ ଶିଖର ଓ ଦ୍ବିତୀୟ ଶିଖର ନିର୍ମାଣ କାର୍ଯ୍ୟ ଦ୍ରୁତ ଗତିରେ ଚାଲିଥିବା ବେଳେ ୩୦୦ ଦିନ ମଧ୍ୟରେ ଶିଖର ନିର୍ମାଣ କାର୍ଯ୍ୟ ଶେଷ ହେବ ବୋଲି ମନ୍ଦିର ଟ୍ରଷ୍ଟର ଜଣେ ସଦସ୍ୟ କହିଛନ୍ତି। ମନ୍ଦିରରେ ମୋଟ ୫ଟି ଶିଖର ରହିବ, ସେଥିମଧ୍ୟରୁ ଅଭିଷେକ ସମାରୋହ ପୂର୍ବରୁ ୩ଟି ଶିଖର ପ୍ରସ୍ତୁତ କରାଯାଇଥିଲା। ଶ୍ରୀ ମିଶ୍ର କହିଛନ୍ତି ଯେ ମୁଖ୍ୟ ଶିଖର ୧୬୧ ଫୁଟ ଉଚ୍ଚତାର ହେବ ଓ ସେଥିରେ ସୁନା ଛାଉଣୀ କରାଯିବ ।
ଡିସେମ୍ବର ସୁଦ୍ଧା ସଂପୂର୍ଣ୍ଣ ହେବ ଅଯୋଧ୍ୟା ରାମ ମନ୍ଦିର ନିର୍ମାଣ କାର୍ଯ୍ୟ : ଟ୍ରଷ୍ଟ
