ଏହି କାରଣରୁ ଅଟଳ ସେତୁରୁ ସମୁଦ୍ରକୁ ଡେଇଁପଡ଼ିଲେ ଯୁବକ

ମୁମ୍ବାଇ: ଆର୍ଥିକ ସଙ୍କଟ କାରଣରୁ ଚାପରେ ପୀଡିତ ଜଣେ ୩୮ ବର୍ଷୀୟ ଇଞ୍ଜିନିୟର ବୁଧବାର ଅପରାହ୍ନରେ ମୁମ୍ବାଇରେ ଥିବା ଅଟଳ ବ୍ରିଜରୁ ଡେଇଁପଡିଥିବା ଅଭିଯୋଗ ହୋଇଛି। ଏହି ସୂଚନା ପୁଲିସ ଦେଇଛି। ପୁଲିସର ସୂଚନା ମୁତାବକ ଶ୍ରୀନିବାସ ନାମକ ଯୁବକ ଦିନ ପ୍ରାୟ ସାଢେ ୧୨ଟାରେ ମୁମ୍ବାଇ ଟ୍ରାନ୍ସ ହାରବର୍ ଲିଙ୍କ୍ (ଅଟଳ ସେତୁ ନାମରେ ଜଣାଶୁଣା)ରେ କାର ପାର୍କିଂ କରିବା ପରେ ସମୁଦ୍ରକୁ ଡେଇଁପଡିଥିଲେ। ଏନେଇ ପୁଲିସ ଅଧିକାରୀ କହିଛନ୍ତି ଯେ ନଭି ମୁମ୍ବାଇ ପୁଲିସ ସହ ଉଦ୍ଧାରକାରୀ ଦଳ ଏବଂ ସ୍ଥାନୀୟ ମତ୍ସ୍ୟଜୀବୀମାନେ ତାଙ୍କୁ ଖୋଜିବା ଆରମ୍ଭ କରିଛନ୍ତି। ଅଧିକାରୀ କହିଛନ୍ତି ଯେ ଶ୍ରୀନିବାସ ଏହି ପଦକ୍ଷେପ ନେବାର କିଛି ଘଣ୍ଟା ପୂର୍ବରୁ ତାଙ୍କ ପତ୍ନୀ ଏବଂ ଚାରି ବର୍ଷର ଝିଅ ସହିତ ଫୋନରେ କଥା ହୋଇଥିଲେ।ଅଧିକାରୀ କହିଛନ୍ତି ଯେ ଶ୍ରୀନିବାସଙ୍କ ପରିବାର ଅନୁଯାୟୀ ସେ ଆର୍ଥିକ ସଙ୍କଟର ସମ୍ମୁଖୀନ ହୋଇଥିଲେ। ଅଧିକାରୀ କହିଛନ୍ତି ଯେ ଏହାପୂର୍ବରୁ ସେ ୨୦୨୩ ମସିହାରେ କୁଏତରେ କାମ କରୁଥିବା ସମୟରେ ଫିନାଇଲ ପିଇ ଆତ୍ମହତ୍ୟା ଉଦ୍ୟମ କରିଥିଲେ। ଏନେଇ କଂଗ୍ରେସ ଏହି ଘଟଣାର ଏକ ଭିଡିଓ ସେୟାର କରି ସରକାରଙ୍କୁ ଟାର୍ଗେଟ କରିଛି | କଂଗ୍ରେସ ସୋସିଆଲ ମିଡିଆରେ ଲେଖିଛି ଯେ, “ଆର୍ଥିକ ସମସ୍ୟା ହେତୁ ୩୮ ବର୍ଷୀୟ ଇଞ୍ଜିନିୟର ଶ୍ରୀନିବାସ ଡେଇଁପଡିଛନ୍ତି। ବେକାରୀ ପରିସ୍ଥିତିକୁ ନେଇ ସରକାର କେବେ ସଚେତନ ହେବେ?