୩୦ ବର୍ଷର ରାଜନୀତି କ୍ୟାରିଅରରୁ ସନ୍ୟାସ ନେଲେ ଦିଲ୍ଲୀ ସାଂସଦ ହର୍ଷବର୍ଦ୍ଧନ

ନୂଆଦିଲ୍ଲୀ: ଦିଲ୍ଲୀ ସାଂସଦ ଡକ୍ଟର ହର୍ଷବର୍ଦ୍ଧନ ରାଜନୀତିରୁ ଅବସର ଘୋଷଣା କରିଛନ୍ତି। ୩୦ ବର୍ଷର ରାଜନୀତି କ୍ୟାରିଅରରୁ ସନ୍ୟାସ ନେଇ ସୋସିଆଲ୍ ମିଡିଆ ଏକ୍ସରେ ସୂଚନା ଦେଇଛନ୍ତି ହର୍ଷବର୍ଦ୍ଧନ। ରାଜନୀତିରୁ ସନ୍ୟାସ ନେଇ ହର୍ଷବର୍ଦ୍ଧନ ଡାକ୍ତରୀ ପେଷାକୁ ପୁଣି ଫେରିବା ନେଇ ସୂଚନା ଦେଇଛନ୍ତି। ୨୦୨୪ ଲୋକସଭା ନିର୍ବାଚନ ପାଇଁ ଭାରତୀୟ ଜନତା ପାର୍ଟି ଗତକାଲି ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଥିଲା। ଯେଉଁଥିରେ କେନ୍ଦ୍ରର ପୂର୍ବତନ ମନ୍ତ୍ରୀ ତଥା ଦିଲ୍ଲୀ ବିଜେପିର ମୁଖ୍ୟମନ୍ତ୍ରୀ ଚେହେରା ଡକ୍ଟର ହର୍ଷବର୍ଦ୍ଧନଙ୍କୁ ଆଗାମୀ ଲୋକସଭା ନିର୍ବାଚନ ପାଇଁ ବିଜେପି ଟିକେଟ ଦେଇନାହିଁ । ଟିକେଟ କଟିବା ପରେ ଡ. ହର୍ଷବର୍ଦ୍ଧନ ବଡ଼ ନିଷ୍ପତ୍ତି ନେବା କ୍ରମରେ ରାଜନୀତିରୁ ସନ୍ୟାସ ନେଉଥିବା ଘୋଷଣା କରିଛନ୍ତି । ଏନେଇ ସେ ଟ୍ୱିଟର (ଏକ୍ସ)ରେ ଏକ ଲମ୍ବା ପୋଷ୍ଟ କରିଛନ୍ତି । ରବିବାର ସୋସିଆଲ ମିଡିଆ X ରେ ପୋଷ୍ଟ କରି ଡକ୍ଟର ହର୍ଷବର୍ଦ୍ଧନ ସୂଚନା ଦେଇ କହିଛନ୍ତି ତିରିଶ ବର୍ଷର ରାଜନୀତି କ୍ୟାରିଅରରେ ସେ ବହୁ ସଫଳତା ପାଇଛନ୍ତି। ଏହି ସମୟରେ ସେ ୫ ଥର ବିଧାନସଭା ଓ ୨ ଥର ଲୋକସଭା ନିର୍ବାଚନ ଲଢିବାର ସୁଯୋଗ ପାଇଛନ୍ତି । ସମସ୍ତ ନିର୍ବାଚନରେ ସେ ବହୁ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି । ଏହା ସହ ପାର୍ଟି ସଂଗଠନ ଓ କେନ୍ଦ୍ର ସରକାରରେ ବଡ ବଡ ପଦବୀରେ ରହି ଦାୟୀତ୍ୱ ନିର୍ବାହ କରିଛନ୍ତି । ବର୍ତ୍ତମାନ ମୁଁ ମୋର କାମକୁ ଫେରିବାକୁ ଚାହୁଁଛି । କୃଷ୍ଣନଗରରେ ଥିବା ମୋର ENT କ୍ଲିନିକ୍ ମଧ୍ୟ ମୋ ପ୍ରତ୍ୟାବର୍ତ୍ତନକୁ ଅପେକ୍ଷା କରିଛି । ଲେଖିଛନ୍ତି ଯେ ପଚାଶ ବର୍ଷ ପୂର୍ବେ, ଯେତେବେଳେ ମୁଁ କାନପୁରର ଜିଏସଭିଏମ ମେଡିକାଲ କଲେଜରେ ଏମ୍‌ବିବିଏସ୍‌ ଆଡମିଶନ କଲି, ସେତେବେଳେ ଗରୀବ ଏବଂ ଅସହାୟ ଲୋକଙ୍କୁ ସାହାଯ୍ୟ କରିବାକୁ ଇଚ୍ଛା କରି ମାନବଜାତି ପାଇଁ ସେବା ମୋର ଉଦ୍ଦେଶ୍ୟ ଥିଲା। ମୁଁ ତତ୍କାଳୀନ ଆରଏସଏସ ନେତୃତ୍ୱଙ୍କ ଅନୁରୋଧ କ୍ରମେ ନିର୍ବାଚନ କ୍ଷେତ୍ରକୁ ଆସିଥିଲି। ସେ କେବଳ ମୋତେ ବିଶ୍ୱାସ କରିପାରନ୍ତି କାରଣ ମୋ ପାଇଁ ରାଜନୀତିର ଅର୍ଥ ହେଉଛି ଆମର ତିନୋଟି ମୁଖ୍ୟ ଶତ୍ରୁ – ଦାରିଦ୍ର, ରୋଗ ଏବଂ ଅଜ୍ଞାନତାକୁ ଦୂର କରିବା । ଯାହା ପାଇଁ ମୁଁ କାମ କରିଛି ଏବଂ କିଛି ମାତ୍ରାରେ ସଫଳ ମଧ୍ୟ ହୋଇଛି।
ସେ ଆହୁରି ଲେଖିଛନ୍ତି, ‘ମୁଁ ମୋର ଦଳର ସମସ୍ତ କର୍ମୀ, ମୋର ପ୍ରଶଂସକ ଏବଂ ସାଧାରଣ ନାଗରିକଙ୍କ ସମର୍ଥକ ତଥା ମୋର ଦଳର ନେତାମାନଙ୍କୁ ଧନ୍ୟବାଦ ଦେବାକୁ ଚାହେଁ। ତିନି ଦଶନ୍ଧିରୁ ଅଧିକ ସମୟର ଏହି ଉଲ୍ଲେଖନୀୟ ଯାତ୍ରାରେ ସମସ୍ତେ ମୋତେ ସହଯୋଗ କରିଛନ୍ତି।