ୱାର୍ଡରେ ନର୍ସଙ୍କ ଦେଖା ମିଳିଲାନି, ମା’ କୋଳରେ ଆଖି ବୁଜିଦେଲା ଶିଶୁ

ବାରିପଦା: ରାତି ଅଧରେ ମେଡିକାଲରେ ବି ମିଳିଲାନି ଚିକିତ୍ସା ସୁବିଧା। ଡାକ୍ତର ଦେଖି ୱାର୍ଡକୁ ପଠାଇ ଦେଇଥିବା ବେଳେ ସେଠାରେ କିନ୍ତୁ ନର୍ସଙ୍କ ଦେଖା ନ ଥିଲା। ବାପାମା’ କଅଁଳ ଶିଶୁକୁ ଧରି ଗୋଟିଏ ଜାଗାରୁ ଆଉ ଏକ ଜାଗାକୁ ଧାଇଁଥିଲେ ବି ନର୍ସଙ୍କୁ ପାଇ ନ ଥିଲେ। ଏହା ମଧ୍ୟରେ ଚିକିତ୍ସା ନ ପାଇ ମା’ କୋଳରେ ଆଖି ବୁଜିଦେଲା ୫ ମାସର ଶିଶୁକନ୍ୟା। ସେମାନଙ୍କ ଘର କପ୍ତିପଦା ଥାନା ଦେୱାନବାହାଳୀ ଗ୍ରାମରେ ବୋଲି ଜଣାଯାଇଛି। ଏପରି ଏକ ଅଭାବନୀୟ ଘଟଣା ମୟୂରଭଞ୍ଜ ଜିଲ୍ଲା ଉଦଳା ମେଡିକାଲ ପରିସରରେ ଘଟିଛି। ।