କୋଲକାତା : କୋଲକାତାର ସଲ୍ଟଲେକ୍ ଦୁର୍ଗା ପୂଜା ମଣ୍ଡପରେ ଦୁବାଇର ରୂପରେଖ ପ୍ରକଟିତ ହୋଇଛି । ଦୁବାଇର ବୁର୍ଜ ଖଲିଫା ଟାୱାର ଆକଳନରେ ନିର୍ମିତ ମଣ୍ଡପରେ ଦେବୀ ଦୁର୍ଗା ପୂଜିତା ହେଉଛନ୍ତି । ଏହି ଚମକ ପ୍ରଦ ମଣ୍ଡପରେ ଦେଖିବାକୁ ମିଳିଛି ଲୋକଙ୍କ ଭିଡ଼ । କିଏ ସେଲଫି ନେଉଛି ତ କିଏ ଏହି ସୁନ୍ଦର ମେଢର ଭିଡିଓକୁ ମୋବାଇଲରେ କଏଦ କରୁଛି ।
ଦୁବାଇ ଆକଳନରେ ନିର୍ମିତ ଦୁର୍ଗା ପୂଜା ମଣ୍ଡପକୁ ଦେଖିବା ପାଇଁ ଭିଡ ଲାଗି ରହିଛି । ଚିତ୍ତାକର୍ଷକ ଆଲୋକ ସଜ୍ଜା ସ୍ଥାନୀୟ ଅଞ୍ଚଳକୁ କରୁଛି ଆକର୍ଷିତ । ଏହି ବୁର୍ଜ୍ ଖଲିଫାର ଉଚ୍ଚତା ୧୦୩ ହୋଇଥିବା ବେଳେ ଦୁବାଇର ବିଭିନ୍ନ ସ୍ଥାପତ୍ୟ ଏଠାରେ ନିର୍ମିତ ହୋଇଛି । ଏହା ସହିତ ଦୁବାଇ ସହ ଭାରତ ବର୍ଷର ଆତ୍ମିକ ସମ୍ପର୍କକୁ ମଧ୍ୟ ଏଠାରେ ପରିପ୍ରକାଶ କରାଯାଇଛି ।
ଦେବୀ ଦୁର୍ଗା ଓ ଅନ୍ୟାନ୍ୟ ଦେବାଦେବୀମାନେ ସ୍ବର୍ଣ୍ଣ ଅଳଙ୍କାରରେ ଭୂଷିତା ହୋଇଛନ୍ତି । ୧୨୩ କିଲୋ ଓଜନର ସୁନାରେ ଅଳଙ୍କାର ଗୁଡ଼ିକ ନିର୍ମାଣ ହୋଇଛି । ଯାହାର ମୂଲ୍ୟ ୧୨୧ କୋଟି ଟଙ୍କା ବୋଲି ଉଦ୍ୟୋକ୍ତା ମାନେ କୁହନ୍ତି । ମହାନଗରୀରେ ଏହି ଦୁର୍ଗା ମଣ୍ଡପ ଚର୍ଚ୍ଚାର ପ୍ରସଙ୍ଗ ପାଲଟିଛି ।
