ଏ.ଆର. ରହମାନଙ୍କ ସାମ୍ପ୍ରଦାୟିକତା ଉପରେ ଦିଆଯାଇଥିବା ବୟାନ ପରେ ସିଙ୍ଗର ଅରିଜିତ ସିଂଙ୍କ ପ୍ଲେବ୍ୟାକ୍ ସିଙ୍ଗିଂରୁ ସନ୍ୟାସ ନେବାର ନିଷ୍ପତ୍ତି ଫିଲ୍ମ ଇଣ୍ଡଷ୍ଟ୍ରିରେ ଚର୍ଚ୍ଚା ସୃଷ୍ଟି କରିଛି । ଗତ ସପ୍ତାହରେ ଅନେକ ସିଙ୍ଗର ଅରିଜିତଙ୍କ ଏହି ନିଷ୍ପତ୍ତି ସମ୍ପର୍କରେ ଚିନ୍ତା, ସମର୍ଥନ ଏବଂ ସେମାନଙ୍କର ଅଭିଜ୍ଞତାକୁ ପ୍ରକାଶ କରିଛନ୍ତି । ଏବେ ସିଙ୍ଗର ଲକି ଅଲି ମଧ୍ୟ ନିଜର ପ୍ରତିକ୍ରିୟା ସେୟାର କରିବା ସହ ବ୍ୟକ୍ତିଗତ ଦୃଷ୍ଟିକୋଣରୁ ଏହାକୁ ଗ୍ରହଣ କରିଛନ୍ତି ।
ପିଟିଆଇ ସହିତ କଥାବାର୍ତ୍ତା ସମୟରେ ଲକି ଅଲି କହିଛନ୍ତି ଯେ, “ଜଣେ ସଂଗୀତଜ୍ଞଙ୍କ ପରିସ୍ଥିତିକୁ ବୁଝିବା ପାଇଁ ଆପଣଙ୍କୁ ତାଙ୍କ ସ୍ଥାନରେ ଚାଲିବାକୁ ପଡିବ । ସେ ନିଶ୍ଚିତ ଭିତରୁ ଭାଙ୍ଗିପଡିଛନ୍ତି ବୋଲି ଏଭଳି ପଦକ୍ଷେପ ନେଇଛନ୍ତି । ଲକି ଅଲି ଅରିଜିତଙ୍କ ନିଷ୍ପତ୍ତି ସହିତ ସମ୍ପୂର୍ଣ୍ଣ ସହମତ ବୋଲି କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ଏହା କ୍ଷତି ନୁହେଁ । ସେ ନିଶ୍ଚିତ ଭାବରେ ଗୀତ ଗାଇବେ, କିନ୍ତୁ ଏବେ ନୁହେଁ ।
ଏଥିସହିତ ନିଜ କ୍ୟାରିଅର କଥା ମନେପକାଇ ଲକି ଅଲି କହିଥିଲେ ଯେ, ‘‘କିଛି ପୁରସ୍କାର ମିଳି ନଥାଏ । ତୁମ ନିଜକୁ ପ୍ରମାଣ କରିବାକୁ ପଡ଼ିଥାଏ ଏବଂ ନିଷ୍ପତ୍ତି ଉପରେ ଭରସା ରଖିବାକୁ ହୋଇଥାଏ । ସେହି ସବୁ ବାଧାକୁ ଥରେ ପାର୍ କରିଗଲା ପରେ ତୁମ ରାସ୍ତା ହାଲକା ସଫା ହୋଇଗଲା ପରି ଲାଗିବ । ତା’ ଅର୍ଥ ଏୟା ନୁହେଁ ଯେ ତୁମ ଯାତ୍ରା ସହଜ ହୋଇଯାଇଥାଏ । କିନ୍ତୁ ସଠିକ୍ ରାସ୍ତାକୁ ବାଟ ମିଳିଯାଏ ।’’
ଲକି ଅଲି ଅନେକ ହିଟ୍ ଗୀତ ଦେବା ପରେ ବଲିଉଡ୍ ଠାରୁ ନିଜକୁ ଦୂରେଇ ନେଇଥିଲେ। ସେ ଥରେ କହିଥିଲେ, ” ମୁଁ ଫିଲ୍ମରେ ଗୀତ ଗାଇଲି, କିନ୍ତୁ ଗୋଟେ ସମୟରେ ସେ କ’ଣ କରିବେ ବୋଲି ବୁଝିପାରିନଥିଲେ । ସେ ନିଜ ଢଙ୍ଗରେ ଗାଇବାକୁ ଚାହୁଁଥିଲେ । ହେଲେ ୨୦୧୫ ମସିହାରେ ଇଣ୍ଡଷ୍ଟ୍ରିଠାରୁ ଦୂରେଇ ରଖିଥିଲେ ।
ସେହିପରି ନିକଟରେ ଅରଜିତ୍ ସେ ଇନଷ୍ଟାଗ୍ରାମରେ ପୋଷ୍ଟ କରି ସେୟାର କରିଥିଲେ ଯେ, ସେ ପ୍ଲେବ୍ୟାକ୍ ସିଙ୍ଗିଂରୁ ସନ୍ୟାସ ନେବାକୁ ଚାହୁଁଛନ୍ତି । ଯାହା ଘୋଷଣା କରିବା ପରେ ତାହା ଚର୍ଚ୍ଚା ସୃଷ୍ଟି କରିଥିଲା । ତାଙ୍କର ଏଭଳି ନିଷ୍ପତ୍ତି ପରେ ଅନେକ ସିଙ୍ଗରଙ୍କଠାରୁ ଆରମ୍ଭ କରି ଫ୍ୟାନ୍ସଙ୍କ ପର୍ଯ୍ୟନ୍ତ ସମସ୍ତେ ପ୍ରତିକ୍ରିୟା ଦେଇଥିଲେ ।
