ପଞ୍ଜାବ : ଆଇନ କଲେଜରେ କ୍ରାଇମ । ପଞ୍ଜାବ ତରନତାରନ ଜିଲ୍ଳାର ଉସମା ଆଇନ କଲେଜରେ ଗୁଳିକାଣ୍ଡ । କ୍ଲାସରୁମ୍ ଭିତରେ ସହପାଠୀ ଛାତ୍ରୀଙ୍କୁ ଗୁଳିମାଡ଼ । ସହପାଠୀ ଛାତ୍ରର ଗୁଳିମାଡ଼ରେ ଜଣେ ଛାତ୍ରୀ ମୃତ । ଗୁଳିମାଡ଼ ପରେ ଅଭିଯୁକ୍ତ ନିଜକୁ ଗୁଳି କରି ଜୀବନ ଶେଷ କରିବାକୁ ଉଦ୍ୟମ କରିଥିଲେ । ଅଭିଯୁକ୍ତ ଛାତ୍ର ଗୁରୁତର ଅବସ୍ଥାରେ ମେଡିକାଲରେ ଚିକିତ୍ସିତ ହେଉଛି ।
ଗୁଳି କରିଥିବା ଛାତ୍ରର ନାଁ ପ୍ରିନ୍ସ ରାଜ । ମୃତ ଛାତ୍ରୀଙ୍କ ନାଁ ସଂଦୀପ କୌର । କ୍ଲାସରୁମ ଭିତରରେ ସିସିଟିଭି କ୍ୟାମେରାରେ କଏଦ ହୋଇଛି ଗୁଳିକାଣ୍ଡର ଦୃଶ୍ୟ । ଅଭିଯୁକ୍ତ ପ୍ରିନ୍ସ ରାଜ ସହପାଠିନୀ କୌର ଏବଂ ଅନ୍ୟ ଜଣେ ଛାତ୍ରୀଙ୍କ ସହ କଥାବାର୍ତ୍ତା ହୋଇ ଚାଲିଚାଲି ଆସିବା ପରେ କ୍ଲାସରୁମ ଭିତରେ ନିଜନିଜର ସିଟରେ ବସିଥିଲା । କିଛି ସମୟ ପରେ ହଠାତ ପ୍ରିନ୍ସ ନିଜ ସିଟ୍ ରୁ ସଂଦୀପ କୌରଙ୍କୁ ଗୁଳି କରିଥିଲା । ପଏଣ୍ଟ ବ୍ଲାଙ୍କରୁ ଗୁଳି କରିଥିଲା । ପରେ ନିଜେ ନିଜକୁ ଗୁଳି କରିଥିଲେ । ଘଟଣା ସ୍ଥଳରେ ଟଳି ପଡ଼ିଥିଲେ କୌର । ପ୍ରିନ୍ସକୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । କ୍ଲାସ୍ ରୁମ ଭିତରେ ଏହି ଘଟଣା ପରେ ଅନ୍ୟ ଛାତ୍ରଛାତ୍ରୀମାନେ ଦୌଡ଼ି ପଳାଉଥିବାର ଦେଖିବାକୁ ମିଳିଥିଲା । ପ୍ରିନ୍ସ କାହିଁକି ଏଭଳି କାଣ୍ଡ କଲା ସେ ନେଇ ସ୍ପଷ୍ଟ ହୋଇନି । ତେବେ ପୋଲିସ ଘଟଣା ସ୍ଥଳରେ ପହଞ୍ଚି ଯାଂଚ ଆରମ୍ଭ କରିଛି ।
