କଟକ : ଆଇସିସି ବା ଆଭ୍ୟନ୍ତରୀଣ ଅଭିଯୋଗ କମିଟି ସମ୍ପର୍କିତ ରିପୋର୍ଟ ନ ଦେଲେ ଦରମା ବନ୍ଦ । ମହାବିଦ୍ୟାଳୟକୁ ତାଗିଦ କଲା ପ୍ରଶାସନ । ଆଭ୍ୟନ୍ତରୀଣ ଅଭିଯୋଗ କମିଟି ରିପୋର୍ଟ ନ ଦେଲେ ବନ୍ଦ ହେବ ଦରମା । ଜିଲ୍ଲାର ୨୧୦ କଲେଜକୁ ଜାରି କରାଯାଇଛି ନୋଟିସ । କଟକ ଜିଲ୍ଲାର ୨୧୦ଟି ମହାବିଦ୍ୟାଳୟକୁ ନୋଟିସ ଜାରି କରିବା ପରେ ମଧ୍ୟ ମିଳିଲା ନାହିଁ ଉତ୍ତର । ୨୧୦ ରୁ ମାତ୍ର କିଛି ହାତ ଗଣତି ମହାବିଦ୍ୟାଳୟ ଏ ସମ୍ପର୍କିତ ଉତ୍ତର ରଖିଥିବା ବେଳେ, ଅଧିକାଂଶ କଲେଜ୍ ରଖି ନାହାନ୍ତି ଉତ୍ତର । ଏ ନେଇ ତାଗିଦ କରିଛି ଜିଲ୍ଲା ପ୍ରଶାସନ ।
ସୂଚନାଯୋଗ୍ୟ, ବାଲେଶ୍ବର ଏଫଏମ କଲେଜର ପୀଡିତା ଛାତ୍ରୀଙ୍କ ଜୀବନ ହାରିବା ପରେ କଲେଜ ଗୁଡିକରେ ଥିବା ଆଭ୍ୟନ୍ତରୀଣ ଅଭିଯୋଗ କମିଟି କେତେ କାର୍ଯ୍ୟକ୍ଷମ ରହିଛି, ସେ ନେଇ ତଦନ୍ତ ଆରମ୍ଭ ହୋଇଛି । ଏଫଏମ କଲେଜର ପୀଡିତା ଛାତ୍ରୀ ICCରେ ଅଭିଯୋଗ କରିଥିଲେ ମଧ୍ୟ ତାଙ୍କ କଥାକୁ ଗୁରୁତର ସହ ନିଆ ଯାଇନଥିଲା ।
