ଭୁବନେଶ୍ବର: ଆଜିଠୁ ଖରିଫ ଧାନ କିଣା । ବରଗଡ଼ ଓ ସମ୍ବଲପୁରରେ ଆରମ୍ଭ ହେବ ଧାନକିଣା । ଟୋକେନ୍ ଦ୍ବନ୍ଦ୍ବ ତୁଟିବା ପରେ ଆଜି ଠୁ ଧାନକିଣା ଆରମ୍ଭ ହେବ । ପୂଜାର୍ଚ୍ଚନା ପରେ ବରେଇପାଲି ମଣ୍ଡିରେ ଧାନ କିଣା ଆରମ୍ଭ ହେବ । ସମ୍ବଲପୁର ଜିଲ୍ଲାରେ ଖରିଫ ଧାନ ବିକ୍ରି ପାଇଁ ମୋଟ ୧୧୭ଟି ମଣ୍ଡି ଖୋଲିଥିବା ବେଳେ, ୬୦ ହଜାର ୬୧୪ ଜଣ ଚାଷୀ ପଂଜିକରଣ କରିଛନ୍ତି ।
ଧାନ ସଂଗ୍ରହ ପାଇଁ ୪୫ଟି ପେକ୍ସ, ୧୧ ଏସଏଚଜି ଓ ୪୬ଟି ମିଲର ନିୟୋଜିତ ହୋଇଛନ୍ତି । ସେହିପରି ବରଗଡ଼ ଜିଲ୍ଲାରେ ମୋଟ ୨୩୦ ମଣ୍ଡି ଖୋଲିଥିବା ବେଳେ ୧ ଲକ୍ଷ ୬୪ ହଜାର ଚାଷୀ ପଞ୍ଜୀକରଣ କରିଛନ୍ତି । ଆଜି ସୁଦ୍ଧା ମୋଟ ୭୩ ହଜାର ଚାଷୀଙ୍କ ପାଖକୁ ଟୋକନ ଆସିଛି । ଅନ୍ୟପଟେ ଏଥର ମଧ୍ୟ ମଣ୍ଡି ମାନଙ୍କରେ ଧାନ ସଂରକ୍ଷଣର ବ୍ୟବସ୍ଥା ନଥିବା ବେଳେ, ଖୋଲା ଆକାଶ ତଳେ ଧାନି କିଣାବିକାକୁ ନେଇ ଚାଷୀଙ୍କ ମଧ୍ୟରେ ରହିଛି ଅସନ୍ତୋଷ ।
