ଆନ୍ତଃରାଜ୍ୟ ବ୍ୟାଡମିଣ୍ଟନ : ଅବିନାଶଙ୍କୁ ସ୍ବର୍ଣ୍ଣ

କଟକ : ଜାମସେଦପୁରରେ ଆୟୋଜିତ ପୂର୍ବାଞ୍ଚଳ ଆନ୍ତଃରାଜ୍ୟ ବ୍ୟାଡ଼ମିଣ୍ଟନ ପ୍ରତିଯୋଗିତାରେ କିଟ୍‌ ଛାତ୍ର ଅବିନାଶ ମହାନ୍ତି ପୁରୁଷ ଯୁଗଳରେ ସ୍ବର୍ଣ୍ଣ ପଦକ ଜିତିଛନ୍ତି। ଅବିନାଶ-ଆୟୁଷ ପଟ୍ଟନାୟକ ଚମ୍ପିଆନ ହୋଇ ସ୍ବର୍ଣ୍ଣ ପଦକ ଜିତିଛନ୍ତି। ଅବିନାଶ କିଟ୍‌ ବିଶ୍ବବିଦ୍ୟାଳୟ ଏମ୍‌ବିଏ ରୁରାଲ ମ୍ୟାନେଜମେଣ୍ଟ ଛାତ୍ର। ସ୍ବର୍ଣ୍ଣ ଜିତିଥିବା ଅବିନାଶଙ୍କୁ କିଟ୍‌ ଓ କିସର ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ ଶୁଭେଚ୍ଛା ଜଣାଇ ତାଙ୍କ ସଫଳତା ବିଶ୍ବବିଦ୍ୟାଳୟର ଅନ୍ୟ କ୍ରୀଡ଼ାବିତ୍‌ଙ୍କୁ ଅନୁପ୍ରାଣିତ କରିବ ବୋଲି କହିଛନ୍ତି। ଶିକ୍ଷା ସହ କ୍ରୀଡ଼ା ଲାଗି ଆବଶ୍ୟକ ପ୍ରୋତ୍ସାହନ ପାଇଁ ଡ. ସାମନ୍ତଙ୍କୁ ଅବିନାଶ କୃତଜ୍ଞତା ଜଣାଇଛନ୍ତି।