ଭାରତୀୟ ସଂସ୍କୃତିରେ ପୂଜାପାଠକୁ ଅଧିକ ମହତ୍ତ୍ବ ଦିଆଯାଇଥାଏ । ବର୍ଷକ ବାର ମାସକୁ ତେର ପର୍ବ ଭାବେ ହିନ୍ଦୁ ଧର୍ମରେ ସର୍ବଦା ବିଭିନ୍ନ ପ୍ରକାରର ପୂଜାପାଠ କରାଯାଇଥାଏ ।ହିନ୍ଦୁ ଧର୍ମ ଅନୁଯାୟୀ ଯେଉଁ ବ୍ଯକ୍ତି ଭାବନାର ସହ ପୂଜା କରନ୍ତି ଭଗବାନ ତାଙ୍କ ଉପରେ ପ୍ରସନ୍ନ ହୋଇଥାନ୍ତି । ଆପଣ ସାଧାରଣତଃ ଦେଖିଥିବେ ପୂଜା ସମୟରେ ମହିଳାମାନେ ମଥାରେ ଓଢ଼ଣା ଏବଂ ପୁରୁଷମାନେ ରୁମାଲ୍ ଦେଇଥାନ୍ତି । ଆପଣ କେବେ ଏ ବାବଦରେ ଭାବିଛନ୍ତି କି ଏପରି କାହିଁକି କରାଯାଏ ? ଯଦି ନା, ତେବେ ଜାଣନ୍ତୁ ଏ ସମ୍ବନ୍ଧୀୟ କିଛି ଖାସ ତତ୍ବ….
ଶାସ୍ତ୍ର ଅନୁସାରେ ପୂଜା କରିବା ସମୟରେ ମୁଣ୍ଡ ଘୋଢ଼ାଇବା ଦ୍ବାରା ମନରେ ଏକାଗ୍ରତା ବଢ଼େ। ଯେଉଁ ବ୍ୟକ୍ତି ମୁଣ୍ଡ ନଘୋଢ଼ାଇଥାନ୍ତି ତାଙ୍କ ମନ ମଧ୍ୟରେ କ୍ରୋଧ, ହିଂସା ଯାତ ହୋଇଥାଏ। ଯାହାଫଳରେ ମୁଣ୍ଡବ୍ୟଥା ଓ ଦୃଷ୍ଟି ଶକ୍ତି କମ୍ ଆଦି ସମସ୍ଯା ଦେଖାଯାଇଥାଏ।
ଭାରତୀୟ ଇତିହାସ ଅନୁଯାୟୀ , ମୁଣ୍ଡରେ ଓଢ଼ଣା ଦେବା ଦ୍ବାରା ବଡଙ୍କୁ ସମ୍ମାନ ଦେବା ବୁଝାଇଥାଏ। ପୂଜା ସମୟରେ ଯଦି ମହିଳା ବା ପୁରୁଷ ମୁଣ୍ଡ ଘୋଢ଼ାନ୍ତି ତାହା ଦ୍ବାରା ମନରେ ଶାନ୍ତି ରହିବା ସହ ଏକାଗ୍ରତା ବଢ଼ିଥାଏ ଏବଂ ପୂଜା ସଠିକ୍ ଭାବେ ସମ୍ପନ୍ନ ହୋଇଥାଏ।
