ଜଗତସିଂହପୁର : ଗୁରୁତର ୧୦୮ ଆମ୍ବୁଲାନ୍ସ କୁ ପିଟିଲା ହାଇୱା । କଟକରୁ ରୋଗୀ ଛାଡି ଫେରୁଥିବା ସମୟରେ ଜଗତସିଂହପୁର ଧନିପୁର ଛକଠାରେ ବିଳମ୍ବିତ ରାତିରେ ଘଟିଥିଲା ଦୁର୍ଘଟଣା । ଡ୍ରାଇଭର ମାନସ ସାହୁ ଗୁରୁତର ହୋଇଛନ୍ତି । ତାଙ୍କ ବାମ ହାତ ସଂପୂର୍ଣ୍ଣ ଛିଣ୍ଡି ଯାଇଛି। ଗୁରୁତର ଅବସ୍ଥାରେ ମାନସଙ୍କୁ ପ୍ରଥମେ କଟକ ବଡ଼ ମେଡିକାଲ ଓ ପରେ ଭୁବନେଶ୍ବର ଏମସକୁ ସ୍ଥାନାନ୍ତର କରାଯାଇଛି। ସେଠାରେ ସେ ଜୀବନ ମରଣ ସହ ସଂଗ୍ରାମ କରୁଛନ୍ତି । ଦୁର୍ଘଟଣାରେ ଆମ୍ବୁଲାନସରେ ଥିବା ଅନ୍ୟ ୨ କର୍ମଚାରୀ ମଧ୍ୟ ଆହତ ହୋଇଛନ୍ତି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।
ସୂଚନାଯୋଗ୍ୟ, ରବିବାର ମଧ୍ୟ ସରକାରୀ ବସ ଓ ବାଇକ ମୁହାଁମୁହିଁ ଧକ୍କା ହୋଇଥିଲା । ସରକାରୀ ବସ ଧକ୍କା ରେ ବାଇକ ଚାଳକଙ୍କ ଘଟଣା ସ୍ଥଳରେ ମୃତ୍ୟୁ ଘଟିଥିଲା । ବାଲିଗୁଡା ଥାନା ସଲାଗୁଡ଼ା ପଂଚାୟତର କୁଡକେଲକିଆ ଘାଟି ବୁଲାଣିରେ ଘଟିଥିଲା ଦୁର୍ଘଟଣା । ମୃତ ବାଇକ ଚାଳକ କୁଡକେଲକିଆ ଗାଁର ବୀରେନ୍ଦ୍ର ମଳିକ ବୋଲି ଜଣା ପଡିଛି ।
