ଜଳ ହିଁ ଜୀବନ । ପାଣି ପିଇବା ପାଇଁ କିଏ ପ୍ଲାଷ୍ଟିକ୍ ବଟଲ ବ୍ୟବହାର କରନ୍ତି ତ ଆଉ କିଏ ତମ୍ବା ନ ହେଲେ ଷ୍ଟିଲ୍। ଘରୁ ବାହାରିବା ସମୟରେ ଅଧିକାଂଶ ଲୋକ ପାଣି ବଟଲ ନିଜ ବ୍ୟାଗ୍ରେ ନେଇ ଚାଲିଥାଆନ୍ତି। କିନ୍ତୁ ଆପଣ ଏହା ଜାଣିଛନ୍ତି କି ଷ୍ଟିଲ୍ କି ତମ୍ବା ବଟଲ କେଉଁଥିରେ ପାଣି ପିଇବା ଭଲ । ଜାଣନ୍ତୁ ଏ ସମ୍ପର୍କରେ…
ବିଶେଷଜ୍ଞଙ୍କ ମତରେ ଆପଣ ଯେଉଁପରି ଭାବେ ବୋତଲରେ ପାଣି ପିଉଛନ୍ତି ଏହାର ପଜିଟିଭ୍ ଏବଂ ନେଗେଟିଭ୍ ପ୍ରଭାବ ପଡ଼ିଥାଏ। ଯଦି ଆପଣ ପ୍ଲାଷ୍ଟିକ୍ ବୋତଲରେ ପାଣି ପିଉଛନ୍ତି ଆଜି ଏହି ଅଭ୍ୟାସ ଛାଡ଼ି ଦିଅନ୍ତୁ। ପ୍ଲାଷ୍ଟିକ୍ ବୋତଲ ସ୍ବାସ୍ଥ୍ୟ ଲାଗି କ୍ଷତିକାରକ ହୋଇଥାଏ।
-ଆୟୁର୍ବେଦିକ ଅନୁସାରେ ତମ୍ବା ବୋତଲରେ ପ୍ରାକୃତିକ ଆଣ୍ଟିମାଇକ୍ରୋବିୟଲ ଗୁଣ ରହିଛି। ଏହା ଶରୀରରେ ଥିବା ହାନିକାରକ ବ୍ୟାକ୍ଟେରିଆକୁ ଦୂରକରିଥାଏ। ଯଦି ଆପଣ ତମ୍ବା ବୋତଲରେ ପାଣି ରଖୁଛନ୍ତି ସେହି ପାଣି ପିଇବା ଦ୍ୱାରା ଇମ୍ୟୁନିଟି ବୃଦ୍ଧି ହୋଇଥାଏ।
-ତମ୍ବା ବୋତଲରେ ପାଣି ପଇଲେ ଏହା ପାଚନ କ୍ରିୟାକୁ ଭଲ କରିଥାଏ। ଏହା ଶରୀରରେ ଥାଇରଏଡ୍କୁ ନିୟନ୍ତୟଣରେ ରଖିଥାଏ। ଏହା ମଧ୍ୟ ଭୋକ ବଢ଼ାଇବା ସହ ଖାଦ୍ୟ ହଜମ କରିବାରେ ସାହାଯ୍ୟ କରିଥାଏ।
-ତମ୍ବା ବୋତଲକୁ ପ୍ରତିଦିନ ସଫାକରିବା ଆବଶ୍ୟକ। ଏଥିପାଇଁ ଲେମ୍ବୁ, ଲୁଣ ସିର୍କା ଘୋଳର ବ୍ୟବହାର କରି ବୋତଲକୁ ସଫା କରିପାରିବେ। ବୋତଲ ସଫା କରିସାରିବା ପରେ ତାକୁ ଭଲଭାବେ ଧୋଇଦିଅନ୍ତୁ।
-ଷ୍ଟିଲ୍ ବୋତଲରେ ପାଣି ରଖିବା ଦ୍ୱାରା ଏଥିରୁ କୌଣସି ପ୍ରକାର ରସାୟନ ଗନ୍ଧ ଆସି ନ ଥାଏ। ଏଥିରେ ମଧ୍ୟ ପାଣି ଥଣ୍ଡା ଗରମ ରହିଥାଏ।
-ଷ୍ଟିଲ୍ ବୋତଲକୁ ସଫା କରିବାକୁ ହେଲେ ଆପଣ ଲିକ୍ୟୁଇଡ୍ ଓ୍ବାଶ୍ ଦ୍ୱାରା ସଫା କରିପାରିବେ। ଭିତର ପାଖ ସଫା କରିବାକୁ ହେଲେ ଗୋଟେ ବ୍ରଶ୍ ନେଇପାରିବେ।
