ନୂଆଦିଲ୍ଲୀ: ଇରାନର ଅନେକ ନେତା ସଫା । ଏମିତି ଦାବି କରିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ତେହେରାନରେ ଏକ ବଡ଼ ଧରଣର ଆକ୍ରମଣରେ ଇରାନର ଅନେକ ଶୀର୍ଷ ସାମରିକ ନେତା ନିହତ ହୋଇଥିବା ଟ୍ରମ୍ପ ଦାବି କରିଛନ୍ତି । ଟ୍ରମ୍ପ ତାଙ୍କ ସୋସିଆଲ ମିଡିଆରେ ଦାବି କରିଛନ୍ତି ଯେ, ତେହେରାନରେ ହୋଇଥିବା ଏକ ବଡ଼ ଧରଣର ଆକ୍ରମଣରେ ଇରାନର ଅନେକ ପ୍ରମୁଖ ସାମରିକ ନେତା ପ୍ରାଣ ହରାଇଛନ୍ତି । ତେହେରାନରେ ଭୟଙ୍କର ଆକ୍ରମଣର ୧ ମିନିଟ ୭ ସେକେଣ୍ଡର ଏକ ଭିଡିଓ ପୋଷ୍ଟ କରିଛନ୍ତି ଟ୍ରମ୍ପ। ତେବେ କେଉଁ ସାମରିକ ନେତମାନେ ପ୍ରାଣ ହରାଇଛନ୍ତି, ତାହା ସ୍ପଷ୍ଟ କରି ନାହାନ୍ତି ଟ୍ରମ୍ପ । ତେବେ ଏହି ନେତାମାନେ ଇରାନକୁ ଭୁଲ ବାଟରେ ପରିଚାଳିତ କରୁଥିଲେ ବୋଲି ଟ୍ରମ୍ପ କହିଛନ୍ତି।
ସେହିଭଳି, ଇରାନକୁ ଟ୍ରମ୍ପଙ୍କ ନୂଆ ଚେତାବନୀ, ନୂଆ ଡେଡଲାଇନ୍। ହୋର୍ମୁଜ ଖୋଲିବାକୁ ୪୮ ଘଣ୍ଟାର ଡେଡଲାଇନ ଦେଲେ ଆମେରିକା ରାଷ୍ଟ୍ରପତି । ଧାର୍ଯ୍ୟ ସମୟରେ ହୋର୍ମୁଜ ପ୍ରଣାଳୀ ନଖୋଲିଲେଲ କିମ୍ବା ଆମେରିକା ସହ ଡିଲ ନକଲେ ଇରାନ ଚରମ ପରିଣତି ଭୋଗିବ ବୋଲି ଚେତାବନୀ ଦେଇଛନ୍ତି ଟ୍ରମ୍ପ । ଟ୍ରମ୍ପ ନିଜ ସୋସିଆଲ ମିଡିଆ ପ୍ଲାଟଫର୍ମ ‘ଟ୍ରୁଥ୍ ସୋସିଆଲ’ରେ ଲେଖିଛନ୍ତି, “ମନେ ରଖନ୍ତୁ, ମୁଁ ଇରାନକୁ ଚୁକ୍ତି କରିବା ପାଇଁ କିମ୍ବା ହରମୁଜ୍ ଜଳପଥ ଖୋଲିବା ପାଇଁ ୧୦ ଦିନ ସମୟ ଦେଇଥିଲି । ଏବେ ସମୟ ସରି ଆସୁଛି । ମାତ୍ର ୪୮ ଘଣ୍ଟା ବାକି ଅଛି, ନଚେତ୍ ସେମାନଙ୍କ ଉପରେ କଠୋର ଆକ୍ରମଣ ହେବ । ଟ୍ରମ୍ପ ପୂର୍ବରୁ ଦେଇଥିବା ୧୦ ଦିନିଆ ସମୟସୀମା ଏବେ ଶେଷ ପର୍ଯ୍ୟାୟରେ ।
