‘ବିଏଲଓ ଆପ୍’କୁ ଅପଡେଟ୍

ତେବେ ରାଜଧାନୀ ଦିଲ୍ଲୀରେ ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା, ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ପୂର୍ବତନ ଉପପ୍ରଧାନମନ୍ତ୍ରୀ ଏଲ୍.କେ. ଆଡଭାନୀ, ବୈଦେଶିକ ମନ୍ତ୍ରୀ ଏସ୍. ଜୟଶଙ୍କର ଏବଂ ନିର୍ବାଚନ କମିସନର ଏସ୍.ଏସ୍. ସନ୍ଧୁଙ୍କ ଭଳି ପ୍ରମୁଖ ବ୍ୟକ୍ତିବିଶେଷଙ୍କୁ ‘ଲଜିକାଲ୍ ଡିସକ୍ରେପାନସି’ (ତଥ୍ୟଗତ ଅସଙ୍ଗତି) ନୋଟିସ୍ ପଠାଯିବା ପରେ ଏହି ଭିଆଇପି ଭୋଟର ପ୍ରସଙ୍ଗକୁ ନେଇ ରାଜନୈତିକ ଚର୍ଚ୍ଚା ଜୋର୍ ଧରିଛି। ଏ ବାବଦରେ ସ୍ପଷ୍ଟୀକରଣ ଦେଇ ନିର୍ବାଚନ ଅଧିକାରୀମାନେ କହିଛନ୍ତି ଯେ, ୨୦୧୮ରୁ ନିର୍ବାଚନ ଆୟୋଗଙ୍କ ନିୟମାବଳୀରେ ଭିଆଇପି ଭୋଟରଙ୍କ ତାଲିକା ରଖିବାର ପ୍ରାବଧାନ ରହିଛି। ଭିଆଇପି ଭୋଟରମାନେ ଗଣନା ଫର୍ମ ପୂରଣ ନକଲେ ମଧ୍ୟ ସେମାନଙ୍କ ନାମ ଖସଡ଼ା ଭୋଟର ତାଲିକାରେ ସାମିଲ କରାଯାଏ, ମାତ୍ର ସେମାନେ ଦାବି ଓ ଆପତ୍ତି ନୋଟିସରୁ ବାଦ୍ ପଡ଼ନ୍ତି ନାହିଁ। କେବଳ ନିର୍ବାଚନ ସମୟରେ ସେମାନଙ୍କୁ ଆବଶ୍ୟକ ସୁବିଧା ଯୋଗାଇଦେବା ଏବଂ ପ୍ରକ୍ରିୟାକୁ ସହଜ କରିବା ପାଇଁ ଆପରେ ଏହି ଫିଚର ସଂଯୋଗ କରାଯାଇଛି।