Wednesday, July 9, 2025
25.9 C
Odisha

ଏପରି ହୋଇଥା୍ଏ ଜେଲରେ ଜନ୍ମ ହେଉଥିବା ଶିଶୁର ପ୍ରମାଣପତ୍ର

ଆଗକୁ ପଢନ୍ତୁ

ନୂଆଦିଲ୍ଲୀ: ମିରଟର ସୌରଭ ରାଜପୁତ ହତ୍ୟା ମାମଲାରେ ଅଭିଯୁକ୍ତା ପତ୍ନୀ ମୁସ୍କାନ ରସ୍ତୋଗୀଙ୍କୁ ଜେଲ ହୋଇଯାଇଛି।  ଗତକାଲି ମୁସ୍କାନ ଗର୍ଭବତୀ ଥିବା ନେଇ ଖବର ସାମ୍ନାକୁ ଆସିଥିଲା। ମୁସ୍କାନ ବ୍ୟତୀତ ଭାରତୀୟ ଜେଲରେ ଏପରି ଅନେକ ମହିଳା କଏଦୀ ଅଛନ୍ତି ଯେଉଁମାନେ ଗର୍ଭବତୀ ଅଛନ୍ତି କିମ୍ବା ଜେଲରେ ହିଁ ସନ୍ତାନ ଜନ୍ମ କରିଛନ୍ତି। ଏପରି ପରିସ୍ଥିତିରେ, ପ୍ରଶ୍ନ ଉଠେ, ଜେଲରେ ଜନ୍ମ ହୋଇଥିବା ଶିଶୁର ଜନ୍ମ ପ୍ରମାଣପତ୍ରରେ ‘ଜନ୍ମସ୍ଥାନ’ କ’ଣ ଲେଖା ଯାଇଥାଏ? ଭାରତୀୟ ଆଇନ ଅନୁଯାୟୀ, ଶିଶୁ ଜେଲରେ ଜନ୍ମ ହେଉ କିମ୍ବା ଜେଲ ବାହାରେ, ତାକୁ ତାଙ୍କ ପିତାମାତାଙ୍କ ଅପରାଧ ପାଇଁ ଦଣ୍ଡ ଦିଆଯାଇପାରିବ ନାହିଁ। ଏପରି ପରିସ୍ଥିତିରେ, ଜେଲରେ ଜନ୍ମ ହୋଇଥିବା ଶିଶୁର ମଧ୍ୟ ସାଧାରଣ ଶିଶୁ ପରି ବଞ୍ଚିବାର ସମାନ ଅଧିକାର ଅଛି। ଭାରତୀୟ ଆଇନ କହେ ଯେ ଜେଲରେ ଜନ୍ମିତ ପିଲାମାନଙ୍କ ବିକାଶର ଦାୟିତ୍ବ ଜେଲ ପ୍ରଶାସନ ଉପରେ ଥାଏ। ଏଥିପାଇଁ ଜେଲ ପ୍ରଶାସନକୁ ପର୍ଯ୍ୟାପ୍ତ ବ୍ୟବସ୍ଥା କରିବାକୁ ପଡିଥାଏ।

ସୌରଭ ରାଜପୁତ ହତ୍ୟା ମାମଲାରେ ଜେଲରେ ଥିବା ଅଭିଯୁକ୍ତା ପତ୍ନୀ ମୁସ୍କାନ ଗର୍ଭବତୀ ଥିବା ଖବର ସାମ୍ନାକୁ ଆସିବା ପରେ ଏବେ ପ୍ରଶ୍ନ ଉଠୁଛି ଯେ ଜେଲରେ ଜନ୍ମ ହେଉଥିବା ପିଲାର ଜନ୍ମ ପ୍ରମାଣପତ୍ରରେ ଜେଲର ନାମ ଲେଖାଯାଇଥାଏ କି? ସରକାରୀ ତଥ୍ୟ ଅନୁଯାୟୀ, ଭାରତର ୧୩୩୦ଟି ଜେଲରେ ୨୩,୭୭୨ ଜଣ ମହିଳା କଏଦୀ ଅଛନ୍ତି। ଏମାନଙ୍କ ମଧ୍ୟରୁ ୧୫୦୦ ରୁ ଅଧିକ ମହିଳା ସେମାନଙ୍କ ପିଲାମାନଙ୍କ ସହିତ ଜେଲରେ ରହୁଛନ୍ତି। ଏହି ମହିଳାମାନଙ୍କ ମଧ୍ୟରୁ ଅଧାରୁ ଅଧିକ ଜେଲରେ ସେମାନଙ୍କ ସନ୍ତାନ ଜନ୍ମ କରିଛନ୍ତି ଏବଂ ଏହି ସମସ୍ତ ଶିଶୁଙ୍କ ଜନ୍ମ ପ୍ରମାଣପତ୍ରରେ ଜିଲ୍ଲା ଡାକ୍ତରଖାନାର ନାମ ଉଲ୍ଲେଖ ରହିଛି।

ଅନ୍ୟାନ୍ୟ ଖବର

ପାଣିପାଗ

Odisha
overcast clouds
25.9 ° C
25.9 °
25.9 °
84 %
3kmh
100 %
Wed
26 °
Thu
27 °
Fri
28 °
Sat
27 °
Sun
28 °

ସମ୍ବନ୍ଧିତ